Qundy jádiger bas mýzeıge burynǵy Prezıdenttik Mádenıet ortalyǵynan tapsyrylǵan. Shapannyń uzyndyǵy – 128 sm, jeńiniń uzyndyǵy – 66 sm, eni – 30 sm. Ol kúlgin tústi barqyt matadan tigilgen, tik jaǵaly bolyp keledi. Shapannyń aldy men etegi jáne jeńiniń eki jaǵyndaǵy jıekterine altyn jáne aq, jasyl, qyzyl tústi jibek jiptermen oıý júrgizilgen. Etek jaǵy keń tigilip, eki janyna 45 sm kólemde qıyq salynǵan. Al taqııa kúlgin tústi barqyt matadan jasalǵan. Taqııa da altyn jáne aq, jasyl, qyzyl tústi jibek jiptermen oıýlanǵan. Tóbesine úki taǵylyp, mańdaı tusyna aı pishindi túıreýish qadap qoıylǵan.
Máshhúr Júsiptiń esimi men taqııasynyń tóbesindegi úkisine qatysty el ishinde saqtalǵan áńgimede bylaı dep aıtylady: ol kisi ákesiniń 42 jasynda ómirge kelip, oǵan «Adam Júsip» degen azan shaqyryp, esim berilgen. Birde aýyldaǵy toı ústinde qıssa-dastandardy jatqa aıtyp, jurtty ónerimen tańǵaldyrǵan toǵyz jasar balaǵa kózi túsken, aýzy dýaly bı, sheshen Musa Shormanuly zerdeli jetkinshekke yrza bolyp, taqııasyna úki taqqyzyp, «О́z zamanynda halqyna Máshhúr bolatyn bala ekensiń» dep batasyn beripti. Sodan «Máshhúr Júsip» atanǵan deıdi.
Búginde óz zamanynda halqymyzdyń baı tarıhy men shejiresin hatqa túsirip, keıingi urpaqqa qaldyrǵan kórnekti tulǵanyń mol murasy jınaqtalyp, birneshe tom bolyp jaryq kórdi.
