Qazaqstan • 17 Qarasha, 2021

Muraty – qazaqty álemge tanytý

60 ret kórsetildi

«Qazaqstannyń 100 jańa esimi» jo­basynyń taǵy bir jeńimpazy – qazaq mádenıetin álemdik aýqymda dárip­teý­ge úles qosyp júrgen otandasymyz Danııar Qojan. Eske sala keteıik, buǵan deıin birqatar basylym men aqparat agenttigi muhıttyń ar jaǵyndaǵy AQSh radıolarynyń birinde qazaq tilin­de baǵdarlama ashylǵanyn jarysa ha­bar­­laǵan-dy. Mine, osy bas­tamany qolǵa alǵan, búginde AQSh-ta qazaqtyń mýzy­kasyn, mádenıetin nasıhattaıtyn habardyń avtory búgin biz sóz etkeli otyrǵan Danııar Qojan.

AQSh-qa alǵash ret 2017 jyly joly túsken Danııar áýeli bul elge týrıst retinde saparlap bar­ǵan. «Sol kezde AQSh-ta jumys istep júrgen bir zańgermen tanysyp, ol maǵan kóship kelýdiń joldaryn aıtty. Men tıisti qujat­tardy rásimdep, kóp uzamaı alty qur­lyq­ty aýzyna qaratqan Amerı­kaǵa kóshtim. Joǵaryda aıt­qan zań­ger tanysymnyń PR mened­je­ri, ıaǵnı onyń qoǵammen baılanys boıynsha menedjeri retinde ju­­mys isteı bastadym», deıdi Danııar.

«Elden jyraqta júrgen otan­dasta­ry­myzdyń basyn qosýdy kóp­ten oılap júre­tinmin. Odan bólek Amerıkadaǵylarǵa Qazaq­stan tý­raly aıtyp bergim keletin. «Bo­rat» fılminen keıin elimizge kóz­qaras ózgerýi múmkin. Kórgenniń bári onyń avtor qııalynyń jemisi ekenin túsinbeýi ǵajap emes. Osy­lardyń barlyǵy jospar edi. Bir kúni kólikte radıo tyńdap kele jatyp, birneshe tilde baǵdarlama baryn baıqadym. Qytaı men ıspan tilin aıtpaǵanda, qulaǵym orys tilin de shalyp qaldy. Sol kezde ózim radıo ashsam degen ıdeıa paıda boldy. Álbette, bul úlken qarajat pen kóp ýaqytty qajet etedi. Sonda ártúrli etnostardyń tynys-tirshiligi, mádenıeti týraly baǵdarlamalary bar Freedom FM basshylyǵymen kezdesip, óz usynysymdy bildirýge bel býdym», deıdi Danııar.

Freedom FM basshylyǵy shetel­degi áýe tolqyny baǵdarlamalary tizimine Qazaqstan týraly da jobany qosýǵa kelisimin beripti. Álbette, buǵan ońaılyqpen qol jetkizildi dep aıta almaımyz.

Kóp uzamaı Danııar Qojan Qazaq time baǵdarla­ma­syn­da 2 saǵat boıy Qazaqstan tý­raly aıtyp, qazaqtyń kúmbir­le­gen kúıin, áýezdi ánin Amerıka jurt­shylyǵyn tanystyrýdy bastaıdy.

«Nıý-Iorkte 2 myńǵa jýyq qazaqstandyq turady. Men shetel­de júrip qazaqtyń qamyn jep, elimiz úshin qyzmet etken babala­ry­myzdyń izin jalǵastyryp kele­min dep senemin. Gennadıı Golov­kın sııaqty elimizdiń tanylýy úshin óz úlesimdi qosyp júrmin.

Baǵdarlama biryńǵaı qazaq tilinde emes. Oǵan birte-birte qol jet­­kizermiz dep oılaımyn. Freedom FM radıosy orys tilinde ha­bar tara­tatyn tolqyn. Oǵan qosa Nıý-Iorkti turaq etken baýyrlas ult­tardyń bári de orys tilinde erkin sóıleıdi. Sondyqtan aýdıtorııany baýraý úshin de osy tilge basymdyq berilip otyr. Degenmen baǵdarlama barysynda shyrqalatyn ánderdiń 95 paıyzy qazaq tilinde dep aıta alamyn. Sondaı-aq qazaqtyń kúıleri, terme-tolǵaýlary da taqyrypqa saı berilip otyrady. Osynyń ózi búginde úlken jetistik bolyp tur. Sebebi Amerıkada dúnıeniń tórt buryshynan jınalǵan júzdegen, tipti odan da kóp ult ókilderi bar. О́kinishke qaraı, olardyń kópshiligi qazaq elinen múlde beıhabar», dedi keıipkerimiz.

Qazaq gýmanıtarlyq zań akademııasyn zań­ger mamandyǵy bo­ıynsha támamdaǵan Danııar­dan radıoda baǵdarlama júrgizý qıyn emes pe dep suraǵanymyzda, ol baǵdarlamany qolǵa alarda kóp daıyndalǵanyn jetkizdi.

«Qazir áleýmettik jeliniń dáýir­lep turǵan zamany. Men Instagram jeli­­sinde tikeleı efır uıym­dast­y­ryp, oqyrmandarmen suh­bat qur­dym. Bul maǵan kóp kómek­testi, tosynnan qo­ıylǵan su­raqqa tapqyrlyqpen jaýap berý, kóp­shi­lik aldynda erkin sóıleý, sóz sap­­taý sııaqty mashyqtardy da­­myt­­tym. Radıonyń men úshin jaq­sy jeri – seni bári estigenimen, kór­­meı­di. Bul da bir óz kezeginde qolaıly.

Danııar bir kezderi belgili prodıýser Qy­dyr­­áli Bolmanovpen birge jumys istegen. Onyń aıtýynsha, qazaqtyń ulttyq mádenıe­tine qyzyǵýshylyǵy sol kezde oıan­ǵan. «Men qashanda elimniń patrıotymyn. 2005-jyldary Qydyráli Bolmanov Almaty qalasy Mádenıet basqarmasynyń basshysy bolyp qyzmet etti. Men onyń kómekshisi bolyp ju­mysqa turdym. Onymen jumys istegenimde qazaqtyń mádenıeti qyzyqtyra tústi. Sol kezde-aq elim úshin eleýli is atqarǵym kele­tin. Sol kisiden úırengenim kóp boldy, onyń mektebinen óttim dese de bolady», deıdi Danııar.

Sońǵy jańalyqtar

16 tamyzǵa arnalǵan valıýta baǵamy

Ekonomıka • Búgin, 09:47

16 tamyzǵa arnalǵa aýa raıy boljamy

Aýa raıy • Búgin, 09:38

1453 adam koronavırýstan jazylyp shyqty

Koronavırýs • Búgin, 09:06

Jigittermen kúsh synasqan arý

Ulttyq sport • Búgin, 08:43

Qytaıdan qalyp qoıdyq

Sport • Búgin, 08:42

Tabystary – 2 117 000 dollar

Sport • Búgin, 08:40

Sınsınnatıdegi týrnır bastaldy

Sport • Búgin, 08:38

Úzdik qurylysshylar marapattaldy

Qoǵam • Búgin, 08:37

Olımpıadadan keıingi oılar

Sport • Búgin, 08:35

Jarys qyzǵan shaǵyna jetti

Sport • Búgin, 08:34

Tehnopark tegin oqytady

Qoǵam • Búgin, 08:32

Balalarǵa arnalǵan startaptar

Qoǵam • Búgin, 08:30

Julynqurt laboratorııasy áshkerelendi

Aımaqtar • Búgin, 08:27

«Talgodaǵy» talan-taraj

Qoǵam • Búgin, 08:25

Shalǵaıdaǵylar shaǵym aıtady

Bilim • Búgin, 08:22

Jańa mektepter kóbeıedi

Bilim • Búgin, 08:20

Jalbyz ben jaýynqurt ósiredi

Qoǵam • Búgin, 08:17

Moıynqumda mańyzdy máseleler aıtyldy

Aımaqtar • Búgin, 08:13

Jańa Qazaqstan – sheteldikter kózimen

Saıasat • Búgin, 08:10

Qamystan óndirilgen qumsheker

Aımaqtar • Keshe

Erlikke toly eńbek

Qazaqstan • Keshe

Uqsas jańalyqtar