JQJK jobalary 4 negizgi baǵytqa bólingen:
- Halyqtyń ómir súrý sapasyn arttyrý;
- ShOB úshin qarjylandyrýdyń qoljetimdiligin arttyrý;
- Agroónerkásiptik keshendi damytý;
- О́ńirlerde bıznesti damytý.
Qazirgi ýaqytta JQJK aıasynda 228 ınfraqurylymdyq joba boıynsha qurylys jumystary júrgizilýde, taǵy 13-i iske asyrýdyń bastapqy kezeńinde tur. Jobalar boıynsha óńirler 349 monıtorıngtik tekserýdi júzege asyrdy. Bul rette Qostanaı oblysynda 2 joba jáne Nur-Sultan qalasynda 1 joba aıaqtaldy, olarda 228 turaqty jumys orny quryldy.
Sonymen qatar, JQJK ekinshi baǵyty aıasynda óz isin ashý nemese damytý úshin jalpy somasy 1 mlrd teńgeden astam 170 shaǵyn nesıe berildi. Agroónerkásiptik keshendi damytý aıasynda VAK-tyń kezekti otyrysynda jalpy somasy 100 mlrd teńge bolatyn 40 ınvestısııalyq jobanyń tizbesi bekitildi.
Eske sala ketsek, JQJK aıasynda 2021 jyly barlyq baǵyttar boıynsha shamamen 42,5 myń jumys orny qurylady, onyń 28,8 myńnan astamy turaqty jumys oryndary bolady. Jumys izdep júrgen qazaqstandyqtar turǵylyqty jeri boıynsha halyqty jumyspen qamtý ortalyqtaryna (HJQO) júginý jolymen JQJK sheńberinde ınfraqurylymdyq jobalardy iske asyrýǵa qatysa alady. Halyqty jumyspen qamtý ortalyqtary jumyspen qamtý organdarynda jumys izdep júrgen adamdar, jumyssyzdar, sondaı-aq jumystan bosatylatyn adamdar, jalaqysy saqtalmaıtyn demalysta júrgen adamdar, ýaqytsha tirkelgen adamdardy qosa alǵanda, stýdentter retinde tirkelgender qatarynan qajetti biliktiligi bar mamandardy irikteýdi júzege asyrady jáne ınfraqurylymdyq jobany iske asyratyn jumys berýshi-merdigerge jiberedi.
HJQO arqyly ınfraqurylymdyq jobalarǵa jumysqa ornalasý kezinde jumyssyz jastarǵa, NEET sanatyndaǵy jastarǵa, sondaı-aq densaýlyǵyna zııan keltirmeıtin jáne oqý prosesin buzbaıtyn jumystarda stýdentterge basymdyq beriledi. HJQO qajet bolǵan jaǵdaıda ınfraqurylymdyq jobaǵa jumysqa ornalasý kepildigimen tıisti jumystardy oryndaý úshin jumys berýshi-merdigerdiń/qosalqy merdigerdiń ótinimderi boıynsha kadrlardy qaıta daıarlaýdy qamtamasyz etedi.
HJQO baǵyttary boıynsha jumysqa ornalasqandardyń jalaqy mólsheri eń tómengi jalaqynyń keminde eki mólsheri deńgeıinde belgilenedi (83 myń teńge). Ekologııalyq ústemeaqylar boıynsha tólemderdi esepke almaǵanda, salyqtardy, áleýmettik tólemderdi jáne paıdalanylmaǵan eńbek demalysy úshin ótemaqyny eskere otyryp júrgiziledi.
