Boks • 18 Qarasha, 2021

Bokstan 2021 jylǵy ÁCh júldegerleri qansha syıaqy aldy?

380 ret

kórsetildi

1 mın

oqý úshin

Almatyda Qazaqstan boks federasııasy 2021 jylǵy Belgradta ótken álem chempıonaty júldegerlerin marapattady, dep habarlaıdy Egemen.kz.

Gaýhar QAPASh

Bokstan 2021 jylǵy ÁCh júldegerleri qansha syıaqy aldy?

Qazaqstandyqtar 2021 jylǵy álem chempıonatynda barlyq 13 salmaq dárejesinde óner kórsetip, bes medal – eki altyn, eki kúmis jáne bir qola medal jeńip aldy. Týrnır qorytyndysy boıynsha Qazaqstan AIBA reıtınginde birinshi, al komandalyq esepte Kýbadan keıin (úsh altyn, eki qola medal) ekinshi boldy.

«Jańa quram ózin sátti kórsetti. Biz tapsyrmany oryndap, qazaqstandyq jankúıerler úmitin aqtadyq dep esepteımin. Boksshylarymyzdy álem chempıonatyndaǵy sátti ónerimen quttyqtaımyn», dedi federasııanyń basshysy Keńes Raqyshev.

Boksshylardy federasııa aqshalaı syılyqpen marapattady. Chempıondar Temirtas Júsipov pen Sáken Bıbosynovtyń árqaısy 70 000 dollardan aldy. Kúmis júldegerler Mahmud Sabyrhan men Serik Temirjanov 50 000 dollardan, qola júldeger Abylaıhan Júsipov 30 000 dollardan ıelendi.

Samatáli men Sanatáli Tóltaevtar, Aslanbek Shymbergenov, Nurqanat Raıys, Nurbek Oralbaı, Aıbek Oralbaı, Bek Nurmaǵanbet, Erlan Saparbaı 800 000 teńgeden marapattaldy.

Ulttyq quramanyń bas bapkeri Qaırat Sátjanov 10 000 dollar alsa, medal alǵan boksshylardyń jeke bapkerleriniń árqaısy 5 000 dollardan aldy. Qalǵan mamandarǵa 400 000 teńge syıaqy berilgen.

Ulttyq quramanyń basqa ókilderi – bas dáriger, massaj mamany jáne ǵylymı bólim meńgerýshisi de aqshalaı syılyqtarmen marapattalǵan.