Álem • 19 Qarasha, 2021

AQSh Qytaıdaǵy Olımpıadaǵa boıkot jarııalaýy múmkin

454 ret

kórsetildi

1 mın

oqý úshin

AQSh Beıjiń Olımpıadasyna dıplomatııalyq boıkot jarııalaý múmkindigin qarastyryp jatqanyn prezıdent Djo Baıden rastady, dep habarlaıdy Egemen.kz.

Gaýhar QAPASh

AQSh Qytaıdaǵy Olımpıadaǵa boıkot jarııalaýy múmkin

Bul týraly Reuters agenttigi málim etti.

Agenttiktiń habarlaýynsha, dıplomatııalyq boıkot AQSh sheneýnikteriniń aqpan aıynda Beıjińde ótetin qysqy Olımpıada oıyndarynyń ashylýyna qatyspaıtynyn bildiredi.

«Bul qarastyrylyp jatyr», dedi Baıden AQSh ákimshiligi boıkot jarııalaý qarastyrylyp jatyr ma degen suraqqa.

Eki partııa belsendileri men Kongress músheleri AQSh úkimetiniń Qytaıdy Shyńjańnyń batysyndaǵy musylman etnıkalyq toptaryna qarsy genosıd jasady dep aıyptaýyn eskere otyryp, Baıden ákimshiliginiń bul sharaǵa dıplomatııalyq boıkot jarııalaýyn talap etti, al Beıjiń muny joqqa shyǵardy.

Aq úıdiń baspasóz hatshysy Djen Psakı kezekti brıfıngte AQSh-tyń qysqy Olımpıada oıyndaryna dıplomatııalyq boıkot jarııalaýyn qarastyrýyna Shyńjańdaǵy adam quqyqtaryna alańdaýshylyq sebep bolǵanyn aıtty.

«Bizdi alańdatatyny adam quqyǵynyń buzylýy. Biz bul máselege alańdaımyz. Árıne, qatyspaıtyndaı birqatar faktorlar bar», dedi Psakı jýrnalısterge.