Halyqaralyq baǵdarlama BUU Sapaly bilim jáne Turaqty damý múddesindegi seriktestik maqsattaryn oryndaýda jýrnalıstik bilimdi jetildirý men jaqsartýdyń jahandyq bastamasy daıyndaǵan resýrstardy paıdalana otyryp damytýǵa baǵyttalyp otyr.
Jýrnalıstıka jáne kommýnıkasııa salasyndaǵy Turaqty damý maqsattary kommýnıkasııalyq jobalarǵa qoldaý kórsetedi. Sonymen birge Ortalyq Azııadaǵy jýrnalıstıka ýnıversıtetteriniń zertteýleri, IýNESKO-nyń oqý baǵdarlamasy, genderlik aǵym jáne BUU qyzmetimen úılestirý jobanyń ınstıtýsıonaldyq negizi bolyp sanalady. Sondaı-aq Baspasóz jáne elektrondy BAQ kafedrasy Qazaqstan, Tájikstan, О́zbekstan jáne Qyrǵyzstan ýnıversıetterinde zertteý jýrnalıstıkasyndaǵy derekter boıynsha semınarlar uıymdastyryp, IýNESKO-nyń nusqaýlyqtaryn taratyp, resýrstarymen bólisip, kómek berýdi maqsat etedi.
Qazaqstandaǵy jobanyń úılestirýshisi Gúlmıra Sultanbaevanyń aıtýynsha, jýrnalıstik bilim berýde IýNESKO-nyń oqý baǵdarlamalary Ortalyq Azııanyń 55 ýnıversıtetinde qoldanysta. Búginde Ortalyq Azııa jýrnalıstıkasyndaǵy derekter jýrnalıstıkasy ınteraktıvti grafıkter men vızýaldy kontentti paıdalanýdyń tıimdi quralyna aınalyp otyr. Biraq bul kezeńde mańyzdy faktiler men tarıhı derekter joǵalý yqtımaldyǵy basym. Sondyqtan jýrnalıstik zertteýler barysynda tıimdi qoldanýǵa negizdelgen derekter jýrnalıstıkasy boıynsha IýNESKO-nyń oqý baǵdarlamasyn beıimdeý úshin professorlyq-oqytýshylyq quram men zertteýshilerdi daıyndaý qajettigi týyndap otyr.
Jýrnalıstıka derekterin paıdalanatyn zertteý jýrnalıstıkasy Ortalyq Azııa elderinde áli jeke janrǵa aınala qoıǵan joq. Bul joba Ortalyq Azııa aımaǵyndaǵy 19 ýnıversıtettiń jýrnalıstıka fakýltetterinde derekter jýrnalıstıkasy boıynsha bilim sapasyn jaqsartýǵa yqpal etedi ári zertteý jýrnalıstıkasynyń tıimdiligin arttyrady. Usynylyp otyrǵan joba IýNESKO-nyń zertteý jýrnalıstıkasy oqý baǵdarlamasyn, Ortalyq Azııa elderinde bilim berý, genderlik, densaýlyq saqtaý salalary boıynsha jýrnalıstik zertteý júrgizý úshin ıntegrasııalaýǵa jáne beıimdeýge baǵyttalǵan. Jýrnalıstıka jáne kommýnıkasııa salasyndaǵy turaqty damý maqsattaryna qol jetkizýge Ortalyq Azııa ýnıversıtetteri jýrnalıstıka jáne kommýnıkasııa qaýymdastyǵynyń músheleri bolyp tabylatyn jýrnalıstıka fakýltetteriniń ǵalymdary úles qosatyn bolady. Ál-Farabı atyndaǵy QazUÝ-da 2019 jyldan beri ınnovasııalyq «Data-jýrnalıstıka» jáne Stambýl ýnvıersıtetimen qosdıplomdyq Big Data jáne jýrnalıstıka» magıstrlik bilim berý baǵdarlamalary oqytylyp keledi.
Ortalyq Azııa ýnıversıtetteri IPDC jýrnalıstik bilim berýdegi ozyq tájirıbeler negizinde jahandyq bastamaǵa sáıkes derekter jýrnalıstıkasy boıynsha bilim sapasyn arttyrý múmkindigin beredi. Data jýrnalıstıka salasynda halyqaralyq jáne ulttyq mamandardyń qatysýymen atalmysh ýnıversıtetterde oqý josparyn ázirleýge arnalǵan trenıngter Almaty, Dýshanbe, Tashkent jáne Bishkek qalalarynda ótetindigi josparlanǵan. Jańa bilimdi, biliktilikti ıgerýge baǵyttalǵan ternıngter nátıjesinde qatysýshy elder arasynda tájirıbe almasý men jetildirý basty nátıje sanalady.
IýNESKO-nyń jýrnalısterge bilim berýge arnalǵan «Derekter jýrnalıstıkasy boıynsha kýrsynyń» jańa basylymy Ortalyq Azııadaǵy ulttyq jýrnalıstıka jáne kommýnıkasııa ýnıversıtetteriniń bilim berý úrdisine yqpaldastyrý, óńirlik akademııalyq yntymaqtastyqty damytýǵa jáne halyqaralyq kommýnıkasııany damytý baǵdarlamalaryn tıimdi iske asyrýǵa yqpal etedi.
