COVID-19 taralýyna jol bermeý jónindegi VAK málimetinshe, bir aı ishinde Shveısarııada ınfeksııa juqtyrǵandardyń kúndelikti ósýi tórt esege artqan. Bir táýlik ishinde elde koronavırýs juqtyrýdyń 6017 jańa jaǵdaıy anyqtaldy. О́tken aptada koronavırýspen aýrýhanaǵa jatqyzylǵan naýqastardyń sany 25%-ǵa ósti, koronavırýstan qaıtys bolǵandar sany 80% artyp, aptalyq kórsetkish 53 jetti.
Gresııada vaksına almaǵan adamdarǵa kınoteatrlarǵa, murajaılarǵa jáne sport mekemelerine barýǵa tyıym salynady. Gresııa bıligi kelesi aptadan bastap COVID-19-ǵa qarsy vaksına almaǵan adamdar úshin qatań shekteý sharalaryn engizedi, dep málimdedi Gresııa Premer-Mınıstri Kırıakos Mısotakıs. Jańa erejeler 22 qarashada bastap kúshine enedi.
Slovakııa men Chehııa koronavırýsqa qarsy vaksına almaǵan azamattarǵa shekteýler engizedi. Chehııa bıligi vaksınasııadan ótpegen adamdar úshin shekteýlerdi kúsheıtedi. Slovakııa Premer-Mınıstri 22 qarashadan bastap úsh aptaǵa «vaksına almaǵan adamdarǵa lokdaýn» engiziletinin málimdedi. Osy kúnnen bastap tek koronavırýsqa qarsy tolyq vaksına kýrsyn alǵan nemese sońǵy alty aıda koronavırýspen aýyryp emdelip shyqqan adamdar ǵana meıramhanalarǵa, saýda ortalyqtaryna, sport mekemelerine, birinshi muqtajdyqtaǵy emes taýarlardy satatyn dúkenderge baryp, jappaı is-sharalarǵa qatysa alady. Jumysqa barý úshin olar aptasyna eki ret test tapsyrýy kerek. Indet taralýynyń kúsheıgen aımaqtarda tamaqtaný, sport klýbtary, sulýlyq salondary men qonaq úıler tolyǵymen jabylady.
