Úlken ylǵal qory bar Atlantıkalyq sıklon ózimen birge Qazaqstannyń soltústik jartysyna - qar, batys bóligine - jańbyr men qar, tuman, batysqa - kóktaıǵaq pen jaýyn-shashyn ákeledi.
Respýblıkanyń basym bóliginde jel kúsheıedi. Qalǵan aýmaqtarda jaýyn-shashyn jaýmaıdy, kún ashyq. Batys Qazaqstan oblysynyń soltústiginde, batysynda - tuman, kóktaıǵaq, jaıaý burqasyn bolady. Aımaqtyń basym bóliginde jeldiń jyldamdyǵy 15-20, ekpini 25 m/s jetedi.
Atyraý oblysynda jaıaý burqasyn kóteriledi, basym bóliginde jel qarqyny - 23-28 m/s. Mańǵystaý oblysynyń batysynda, ońtústiginde túnde jáne tańerteń tuman túsedi, kúndiz basym bóliginde jeldiń jyldamdyǵy 17-22 m/s deıin kúsheıedi.
Aqmola oblysynyń batysynda kúnniń ekinshi jartysynda jaıaý burqasyn, soltústik-batysynda kóktaıǵaq bolady. Jeldiń kúshi - 15-20, ekpini - 23 m/s.
Almaty oblysynda Alakól kóliniń aýmaǵynda jeldiń jyldamdyǵy 15-20, ekpini 23-28 m/s jetedi. 15-20, ekpini 23 m/s. Aqtóbe, Qostanaı oblystarynyń soltústik-batysynda tuman, kóktaıǵaq, jaıaý burqasyn kútiledi, jel 15-20 m/s, kúndiz oblystyń basym bóliginde 15-20, ekpini 23-28 m/s. Soltústik Qazaqstan oblysynyń soltústik-batysynda jel 15-20, kúndiz ekpini 23-28 m/s, jaıaý burqasyn kútiledi.
Shyǵys Qazaqstan oblysynyń batysy, ońtústik-shyǵysy men ortalyǵynda jel 15-20, ekpini 23-25 m/s kúsheıedi. Jambyl oblysynyń túnde jáne tańerteń taýly aýdandarynda tuman kútiledi, soltústik-shyǵysynda, ońtústik-batysynda jáne taýly aýdandarynda jel 15-20 m/s kúsheıedi.
Túrkistan oblysynda, kúndiz Qyzylorda oblysynyń soltústiginde jel 15-20 m/s kúsheıedi.
