Stýdentter úzdiksiz tájirıbeden ótip jatyr

Osy oraıda yntymaqtastyq shart­taryn júzege asyrý maqsa­tyn­da qaladaǵy №19 orta mektepte Abaı atyndaǵy QazUPÝ Mate­ma­tı­ka, fızıka jáne ınformatıka ınstıtýtynyń 4-kýrs stýdenti Ásem Saǵymbek matematıka páninen ash­yq sabaq ótip, oǵan ýnıversıtet rek­tory Darhan Bilálov, Medeý aýdandyq bilim berý bóliminiń bas­shysy Aǵaısha Saparova, №19 jalpy bilim beretin mekteptiń dırektory Aıymgúl Imanǵalıeva, dırektordyń oqý isi jónindegi oryn­basary Shyńǵys Ábdimanap, son­daı-aq pedagogıkalyq praktıka jetekshisi Larısa Jadyraeva qatysty.

D.Bilálov bolashaq pedagogpen keri baılanys barysynda prak­tı­kanttyń pedagogıkalyq ádis-tásilderdi qoldanýyna qatysty óz pikirin aıtyp, tájirıbesimen bólisti. Ol №19 mektep oqýshy­la­ry­­men jáne bir jyldyq tájirı­be­den ótip jatqan stýdenttermen kezdesip, túrli máseleler boıynsha oı bólisti. Rektor ýnıversıtet basshylyǵynyń qatysýymen ótetin ashyq sabaqtar toptamasy aldaǵy ýaqytta da jalǵasatynyn atap ótip, endigi kezekte ýnıversıtettegi prorektorlar men ınstıtýt dırektorlary eki apta boıy ashyq sabaq­tar­ǵa qatysatyndyǵyn jetkizdi.

Memorandým aıasynda ýnıver­sı­tet stýdentterine kási­bı daǵ­dylaryn damytýǵa, taǵylym­da­madan ótýge jáne túlekterdiń ju­mys­qa ornalasýyna baılanysty keńester berilip, jastar saıasaty sala­syndaǵy tıimdi ynty­maq­tas­tyq esebinen zııat­ker­lik elıtany qalyp­tas­ty­rý­ǵa baǵyttalǵan basym­dyqtardy, birlesken mádenı-bilim berý baǵdarlamalary men jobalardy júzege asyrý, joǵary oqý oryndary men jalpy bilim beretin mektep muǵalimderiniń biliktiligin arttyrý jumystary iske asatyn bolady.

ALMATY