Alaıaqtyń aıla-amalyna elorda, Almaty jáne Atyraý turǵyndary qurban bolǵan.
«Zań jáne konsaltıngtik qyzmetter bıýrosy» JShS dırektory bola otyryp, bolashaq qurbandarymen tanysý kezinde ol ózin bilikti zańger retinde tanystyrdy. Odan bólek, kúdikti ózin depýtattyń shtattan tys keńesshisi dep ataǵan. Adamdardyń senimine kirip alǵan alaıaq zańdy qyzmetter kórsetý úshin jeke saýalnamalyq derekterdi suraǵan. Qujattarǵa kedergisiz qol jetkize otyryp, olardyń sýretin skanerlep, onlaın nesıe alyp otyrdy. Al zardap shegýshiler bankterden merzimi ótken tólemder týraly qońyraýlar túse bastaǵan kezde ǵana aldaýdyń qurbany atanǵanyn bildi», dep málimdedi Nur-Sultan PD baspasóz qyzmeti.
Jábirlenýshilerdiń barlyǵy kúdiktige konsaltıngtik qyzmet kórsetý boıynsha júgingenin aıtady. Alaıaq olardyń birimen dostyq qarym-qatynasta bola tura, tórt onlaın-kredıt resimdep úlgergen.
Keltirilgen zııannyń jalpy somasy 10 mln teńgeden asady.
Jalǵa alynǵan keńseni tintý barysynda 15 jalǵan mór tárkilendi.
Kúdiktiniń osyǵan uqsas qylmystarǵa qatystylyǵyn tekserý úshin elimizdiń basqa óńirlerine suraý joldandy. Tergeý amaldary júrgizilip jatyr. Al «depýtattyń shtattan tys keńesshisi» qamaýǵa alyndy
