Buryn osy qıylystan táýligine 59 myńnan astam avtokólik ótetin bolsa, qazirgi ótkizý qabileti 142 myńǵa jetti.
Qaladaǵy iri jobalardyń biri bolyp tabylatyn nysan qurylysy aıaqtalyp, kólik qozǵalysy barlyq baǵytqa ashyldy.
Endigi kezekte aımaqty abattandyrý, jaıaý júrginshiler jolyn salý jumystary bar.
Qala ákimi Murat Áıtenov qurylysy aıaqtalýǵa jaqyndaǵan jolaıyryq qurylys jumystaryn tekserip shyqty.
«Búgin jolaıryq qurylysy aıaqtalyp, barlyq baǵytty kólik qozǵalysyna 100 paıyz ashylyp otyr. Barshamyzǵa qutty bolsyn! Bul baǵyttaǵy iri jobalar jalǵasyn tabady. Kezekte Báıdibek bı - Arǵynbekov jolaıyryǵyn salý bar. Endi júk osy Rysqulov kóshesine túsedi. Keptelis-ár megapolıstiń basty máselesi. Maqsatymyz ony barynsha jeńildetý. Qala turǵyndaryn túsinistikpen qaraýǵa shaqyramyn», dedi qala ákimi.
Aıta keteıik, bul mega joba qujattama boıynsha eki jylǵa josparlanǵan. Qala ortalyǵyndaǵy yńǵaısyzdyqtardy erterek joıý maqsaty men qarqyndy qurylys jumystary nátıjesinde osy jyly aıaqtaldy.
