Aımaqtar • 27 Qarasha, 2021

Esirtki qabyldap, jolaýshylarǵa bet alǵan

950 ret kórsetildi

25 qarashada polısııa qyzmetkerleri Pavlodar qalasy Nurmaǵambetov kóshesindegi baǵdarshamda toqtap, kórshi qatarda turǵan PAZ-32053 avtobýsy júrgizýshisiniń oǵash minez-qulqyna nazar aýdardy, dep habarlaıdy Egemen.kz.

Júrgizýshi únemi aınalasyna qarap, qatty kúlip otyrǵan. 

Polıseıler júrgizýshiniń mundaı minezin kúdikpen qabyldap, avtobýsty toqtatty. Tekserý kezinde qyryq jastaǵy júrgizýshi esirtki qabyldaǵan kúıde boldy.

Medısınalyq kýálandyrý buny rastady, júrgizýshi esirtkige masaıǵan kúıinde avtobýsty tizgindegen.

Anyqtalǵandaı, er adam qalalyq JShS-niń birinde jumys isteıdi. Sol túni ol aýysymǵa shyǵyp, qalǵan jumysshylarǵa bet alǵan.

«Júrgizýshi ózin aqtaý úshin, esirtkini aýyrsynýdy basatyn qural retinde qabyldaǵanyn aıtty», deıdi Pavlodar oblysy PD baspasóz qyzmeti.

Atalǵan faktige qatysty QR ÁQBK 608-babynyń 1-bóligi boıynsha ákimshilik is qozǵaldy. Kólik quraly arnaıy aıyp turaǵyna qamaldy. Sot qaýlysymen júrgizýshi jeti jyl merzimge kólik quraldaryn júrgizý quqyǵynan aıyrylyp, 15 táýlik merzimge ákimshilik qamaýǵa alyndy.

Sońǵy jańalyqtar

Amanatqa adaldyq

Ádebıet • Keshe

Jantórın jańalyǵy

Kıno • Keshe

Azattyq úshin arpalysqan

Tarıh • Keshe

Dıllıan Ýaıt qaharyna mindi

Kásipqoı boks • Keshe

Uqsas jańalyqtar