Aımaqtar • 30 Qarasha, 2021

Shymkent garnızonynyń brıgadasy jeńis tuǵyrynan kórindi

89 ret kórsetildi

Qazaqstan Respýblıkasy Qarýly Kúshteriniń sheńberinde ótken áskerı sport kesheni jáne jekpe-jek jattyǵýlarynyń dene shynyqtyrý daıyndyǵyn úzdik uıymdastyrýǵa arnalǵan baıqaýdyń qorytyndysy boıynsha «Ońtústik» óńirlik qolbasshylyǵynyń namysyn qorǵaǵan Shymkent garnızonynyń mehanıkalandyrylǵan brıgadasy jeńis tuǵyrynan kórindi, dep habarlaıdy Egemen.kz.

Dúbirli saıysta Qarýly Kúshterdiń, ásker tekteri men óńirlik qolbasshylyqtarynan úzdik dep tanylǵan áskerı bólimder, onyń ishinde konkýrstyq erejege sáıkes bólimniń atynan eń úzdik dep tanylǵan 90 er áskerı qyzmetshi jáne 10 áıel áskerı qyzmetshi baqtaryn synady. Atalǵan konkýrs eki aıǵa jýyq merzimde qatysýshy áskerı bólimderdiń aýmaǵynda arnaıy komıssııa músheleriniń tekserýimen ótti.

Baıqaý barysynda erler quramy úsh jáne bes shaqyrymǵa qarýmen júgirý, qol granatasyn dáldikke jáne qashyqtyqqa laqtyrý, áskerı qoıan-qoltyq urysynyń tásilderin kórsetý, 100 metrge jyldamdyqpen júgirý, beltemirge tartylý jáne jalpy áskerı jattyǵýlar kesheninde 400 metr qashyqtyqty quraıtyn kedergiler jolaǵynan ótse, áıelder quramy bir shaqyrymǵa júgirý, keshendi erkin jáne kúsheıtilgen jattyǵýlardy oryndady.

Jeńimpazdardy anyqtaý baıqaý baǵdarlamasynda kórsetilgen saıystaǵy jattyǵýlardy oryndaý barysynda jınalǵan barlyq upaı sany negizinde júzege asyryldy.

Saıys qorytyndysy boıynsha «Ońtústik» óńirlik qolbasshylyǵyna qarasty Shymkent garnızonynyń mehanıkalandyrylǵan brıgadasy úzdik nátıje kórsetip jeńimpaz atandy. Al, ekinshi oryndy «Batys» óńirlik qolbasshylyǵynyń áskerı bólimi ıelense, úshinshi oryn «Astana» óńirlik qolbasshylyǵynyń áskerı bólimine berildi.

– Baıqaýǵa qatysqan áskerı qyzmetshiler dene  daıyndyǵy barysynda ózderiniń tynymsyz eńbekteri men sheberlikteriniń jáne jeńiske degen ynta-jigeriniń arqasynda úzdik atandyq. Sondaı-aq, áskerı bólimniń dene daıyndyǵy deńgeıi joǵary ekenin kórsetip, jaýyngerlik tapsyrmalardy árdaıym oryndaýǵa daıyn ekendigimizdi dáleldedik, – deıdi mehanıkalandyrylǵan brıgada dene shynyqtyrý daıyndyǵynyń bastyǵy maıor Madııar Babahanov.

Aıta ketsek, Qazaqstan Respýblıkasy Qarýly kúshteriniń áskerı sport kesheni jáne jekpe-jek jattyǵýlarynyń dene shynyqtyrý daıyndyǵyn úzdik uıymdastyrýǵa arnalǵan baıqaýdyń júldegerleri madaqtama qaǵazdarymen marapattalyp, jeńimpaz áskerı bólimge kýbok tabys etildi.

Sońǵy jańalyqtar

Amanatqa adaldyq

Ádebıet • Keshe

Jantórın jańalyǵy

Kıno • Keshe

Azattyq úshin arpalysqan

Tarıh • Keshe

Dıllıan Ýaıt qaharyna mindi

Kásipqoı boks • Keshe

Uqsas jańalyqtar