Qazaqstan • 02 Jeltoqsan, 2021

Qaraǵandylyqtardy 263 mln teńgege aldaǵan alaıaq ustaldy

86 ret kórsetildi

Reseıdiń Sankt-Peterbýrg qalasynda Qazaqstan azamattaryn 263 mln teńgege aldap ketken jalǵan bank basshysy ustaldy, dep habarlaıdy Egemen.kz.

2019 jyly Qaraǵandy qalasynyń ÝP-ne belgili bir azamattyń alaıaqtyq áreketteriniń qurbany bolǵan azamattardan ótinishter kele bastaǵan.

Anyqtalǵandaı, alaıaq ózin bankterdiń biriniń basshysy retinde tanystyryp, ınvestısııalyq baǵdarlamaǵa salym salý úshin halyqtan aqsha tarta bastaǵan. Bul rette ol salynǵan somanyń 1% túrinde dıvıdendterdi kúndelikti tóleýge ýáde bergen. Qaraǵandy qalasynyń turǵyndary bul usynysty tartymdy sanap, óz jınaqtaryn alaıaqqa berip, ornyna qarjy mekemesi dırektorynyń atynan qol qoıylǵan kepildik hattardy alǵan.

Bastapqyda alaıaq «ınvestorlarǵa» keıbir aqsha qarajatyn berip turǵan, biraq ýaqyt óte kele baılanysty múlde úzgen. Nátıjesinde, jábirlenýshilerge keltirilgen zalaldyń jalpy somasy 263 mln teńgeni qurady.

Polisia.kz saıtynyń málimetinshe, atalǵan derekti QR QK 190-baby «Alaıaqtyq» boıynsha qylmystyq is qozǵady.

Polısııa bankterdiń biriniń qyzmetkeri bolyp tabylatyn 31 jastaǵy er adamdy anyqtady, ol sotqa deıingi tergeý barysynda qylmystyq qýdalaý organdarynan jasyrynyp júrgen. Kúdiktige qatysty Qaraǵandy qalasynyń mamandandyrylǵan tergeý soty syrttaı kúzetpen ustaý túrindegi bultartpaý sharasyn tańdap, halyqaralyq izdestirýdi jarııalady.

«Jedel-izdestirý sharalary barysynda Reseı Federasııasynyń Sankt-Peterbýrg qalasyndaǵy krımınaldyq polısııa qyzmetkerleri kúdiktini anyqtap, ustady. Ol Lenıngrad oblysynyń ızolıatorlarynyń birine qamaldy. Qazirgi ýaqytta ustalǵan adamdy Qazaqstanǵa ekstradısııalaý máselesi sheshilýde», dedi Qaraǵandy oblysy polısııa departamenti bastyǵynyń orynbasary Abıl Abıldın.

Sońǵy jańalyqtar

Almaty ortalyǵynda ǵımarat órtendi

Aımaqtar • Búgin, 21:54

Atyraýda birqatar sheneýnik jazalandy

Aımaqtar • Búgin, 19:55

Dıllıan Ýaıt qaharyna mindi

Kásipqoı boks • Búgin, 19:10

Alvaresti Andrademen kezdespegeni úshin aıyptady

Kásipqoı boks • Búgin, 18:05

Sıngapýrdyń sońǵy aýyly

Álem • Búgin, 17:55

Ahmet Baıtursynulyna eskertkish ornatylady

Rýhanııat • Búgin, 17:20

Petr Iаn úzdikter qataryna endi

Jekpe-jek • Búgin, 16:05

Uqsas jańalyqtar