Aımaqtar • 02 Jeltoqsan, 2021

Aqtaýda «Saltanatty qaqpa» boı kóterdi

129 ret kórsetildi

Tuńǵysh Prezıdent kúni qarsańynda Aqtaýda taǵy bir sáýletti nysan paıdalanýǵa berildi, dep habarlady Egemen.kz Aqtaý qalasy ákiminiń baspasóz qyzmetine silteme jasap.

Oblys ortalyǵyna kire beris tusta boı kótergen nysannyń syrtqy qasbetiniń bezendirilýi ulttyq erekshelikterge toly.

Onyń ornalastyrylǵan kompozısııalary men músinderiniń qısyndy túıini bar. Saltanat qaqpasynyń aldyńǵy betinde qazaqtyń qos qarııasy nemerelerimen birge turǵan músinder ornatylǵan. Ájeıdiń qolyndaǵy urshyqtan ıirilgen jip arqyly nemeresimen baılanystyrylǵan. Osylaısha otbasy qundylyǵy dáriptelgen.

Qaqpanyń oń jáne sol qabyrǵalarynda qazaq handyǵynan syr sherter «taıqazan», handar men batyrlar jáne qazaqtyń úsh bıi, Táýelsiz eldiń nyshandaryna aınalǵan «Altyn adam», «Qazaq eli» monýmentteri men Elordamyzdyń sımvoldary beınelengen bederli músinderi ornalasqan.

Al, qaqpanyń ekinshi kire berisinde qolynda er-toqymy bar qazaq jigiti men tostaqany bar ulttyq kıimdegi qazaqtyń boıjetkeniniń músini turǵyzylǵan. Bul qazaq eliniń qonaqjaılyǵyn beınelep tur. Qaqpanyń tórt buryshyna ornatylǵan jaryq shamdary da - qol týyndylary.

Qazaqstan Táýelsizdiginiń torqaly toıynyń qurmetine aıshyqty sáýlet nysanyn salý jumystary jergilikti kásipkerlerdiń qoldaýymen júzege asqan. Jobalyq eskıziniń avtory jáne músindeýshi, sýretshiler odaǵynyń múshesi - Danııar Qalıev. Ol buǵan deıin oblystaǵy birneshe sáýlet nysandarynyń boı kóterýine úles qosty.

Sońǵy jańalyqtar

Ana tilinde oqýdan nege qashady?

Bilim • Búgin, 00:05

Abaı murasy asqaqtady

Abaı • Búgin, 00:04

Ulttyq mereke

Abaı • Búgin, 00:02

Et máselesine ep kerek

Ekonomıka • Búgin, 00:01

Jedel járdem nege keshigedi?

Medısına • Keshe

Ult ustazy jáne Batpaqty mektebi

Ahmet Baıtursynuly • Keshe

Jaýynger jyr

Tanym • Keshe

Talant pen taǵdyr

О́ner • Keshe

Shıpaly sýlar shejiresi

Aımaqtar • Keshe

Tańbaly tanymy

Tanym • Keshe

Sırk

О́ner • Keshe

Uqsas jańalyqtar