Elbasy • 02 Jeltoqsan, 2021

Portrettegi parasat

96 ret kórsetildi

Tap osy týyndyǵa Elbasy erekshe qyzyqqan desedi. Avtory – belgili qylqalam sheberi Kamıl Mýllashev. Bul jaı ǵana kóshirme keskindeme emes, Táýelsiz Qazaqstan tarıhynyń tuspaldamasy. Bir jyl boıy sheberhanadan shyqpaı jazylǵan týyndy búginde Elbasy mýzeıiniń tórinde jarqyrap tur.

Azattyq qusy aspanda samǵaǵaly alash balasynyń qııaly muzarttarmen bettesti. О́nerdiń keregesi keńeıip, qalam­ger bolsyn, qylqalam sheberi bol­syn oıyn erkin jetkizip, túısigin tereńnen tartty. Oǵan osy kartına dálel bola alady.

Táýelsizdik jaıly sóz qaýzalsa Elbasy, Elbasy jaıly áńgime aıtsaq, Táýelsizdik sózimizdiń tuzdyǵy bolatyny anyq. Egemendikke qol jetkizgeli beri qazaq dalasynda beıneleý óneriniń maıtalmańdary jahandaný dáýirindegi Jańa Qazaqstannyń kelbetin syza bastady. Biri – sheksiz izgilikti qus qanaty talatyn ulan-ǵaıyr daladan izdese, biri – ulttyń tiregi bolǵan tulǵalardan tapty. Máselen, oqyrmanǵa usynylyp otyrǵan «El­basy. Tuńǵysh Prezıdent N.Á.Nazarbaev por­treti» kartınasy jeke adamnyń avtoportreti emes, ol muqym halyqtyń júrip ótken jolynyń boıaýy. Ony sýretshiniń ózi de moıyndaıdy.

«1996 jyly Elbasy meniń kartınalarymdy rezıdensııasyna aldyrdy. Qazaqtyń mańdaıyna bitken ataqty akter Asanáli Áshimov ekeýmiz qabyldaýynda boldyq. Shyǵarmalarymdy tamashalap bolǵan soń, qolymdy alyp, aldaǵy maqsat­tarymen bólisti. Artynan kómek­shileri Elbasynyń portretin salsaq degen usynys tastady. Birden iske kirisip kettim. Jumysty aıaqtap, syılyq retinde joldadym. Elbasy kórip, rıza bolǵan eken. Kómekshileri rahmetin aıtty», deıdi avtor.

Sýretshini memlekettiń damýyna mańyzdy ról atqarǵan tarıhı tulǵalar kópten qyzyqtyrǵan eken. Sodan da bolar, 2014 jyly Elbasy Nursultan Nazarbaevtyń portretin qaıta jazýdy qolǵa alady. Osylaısha, eki birdeı týyndy saltanatty portret janrynda jazylady. Bul – eki kózqaras bıiginde tulǵaǵa degen úlken qurmettiń jemisi. Alǵashynda Ult kóshbasshysynyń ulttyń tizginin endi qolǵa alǵan kezeńin berse, ekinshisinde qazaqty álemge ta­nyt­­qan shaǵyn jetkizgen.

Baqsańyz, alǵashqy portrette qa­zaqy komponent belsendirek kór­se­tilgen. Zamanaýı kostıýmniń ús­ti­nen jamylǵan altynmen kestelengen qy­zyl shapan, oıýly kilem, taý eteginde sozylǵan astanamyz ádemi bederlengen.

Al ekinshi portrette basqa detaldardy negizge alǵan. Fıgýra aspannyń taza kóginde qalyqtaǵan globýstyń fo­nynda jazylǵan. Onda sheńberde belgi­lengen Qazaqstan kartasy jerdiń baı­taqtyǵyn jetkizedi. Sol darqan dala­myzdyń Nursultan Nazarbaevtaı dańqty uly bar ekenin maqtanyshpen baıan­daıdy. О́kinishke qaraı, ekinshi portret bizdiń qolymyzǵa túspedi. Ony da sý­retshi Elbasyǵa syılaǵan eken.

Sońǵy jańalyqtar

Eskilik pen estilik

Ádebıet • Keshe

Polısııa: Kadr hám qadir

Qazaqstan • Keshe

Máńgilik saıahatshylar

О́ner • Keshe

Uqsas jańalyqtar