Iá, Djord Kambosos 2022 jyly óz salmaǵyndaǵy birqatar myqty boksshylarmen qolǵap túıistirgisi keletinin aıtty. Alaıda olardyń qatarynda eki dúrkin Olımpıada chempıony, kásipqoı boksta úsh salmaqta álem chempıony atanǵan Vasılıı Lomachenko joq.
«Dál qazir mende barlyq chempıondyq belbeýler bar. Osy ýaqytqa deıin men qarsylastarym qalaǵan jerde jekpe-jekke shyǵyp keldim. Endi chempıon retinde sheshimdi ózim qabyldaımyn. Kelesi shaıqasty týǵan elim Avstralııada ótkizemin. Dál osyndaı sheshim shyǵaratyn jaǵdaıǵa jettim. Birinshi kezekte Devın Heınıge qarsy rıngke kóterilgim keledi. Onyń jaqynda ótetin kezdesýin kózimmen kóremin. Odan bólek Djervonta Devıs, Raıan Garsııa sııaqty myqtylarmen qolǵap túıistirýge ázirmin», deıdi boksshy.
Esterińizge sala keteıik, buǵan deıin boksshynyń promoýteri Lý Dıbella Kambosostyń Lomachenkomen qolǵap túıistirýge daıyn ekenin málimdegen bolatyn. Alaıda boksshynyń ózi basqasha saırap otyr. Al Vasılıı Lomachenko 11 jeltoqsan kúni Rıchard Kommımen judyryqtasady.
