Ekonomıka • 03 Jeltoqsan, 2021

Sýbsıdııalaý júıesi onlaın júrgiziletin bolady

98 ret kórsetildi

Bul týraly Senatta ótken parlamenttik tyńdaýda Aýyl sharýashylyǵy mınıstri Erbol Qarashókeev aıtty, dep jazady Egemen.kz.

«Sýbsıdııalaý júıesi, eń aldymen, onyń tetikterin ońaılatý jáne baǵyttardy ońtaılandyrý, barlyq sýbektiler úshin teń qoljetimdilikti qamtamasyz etý esebinen reformalanady. Budan basqa, sýbsıdııalar túpkilikti nátıjege qol jetkizýge baǵyttalady. Sondaı-aq sýbsıdııa alýshylar naqty ındıkatıvtik kórsetkishterge qol jetkizý úshin tıisti mindettemelerdi qabyldaıtyn norma engiziledi»,  dedi mınıstr.

Qarashókeevtiń sózinshe, sýbsıdııalar berý tetigi odan ári jetildirilý máselesi sıfrlandyrýdyń jańa platformasyn engizý arqyly júzege asyrylady.

«Eń mańyzdysy, bul qyzmet sharýalar úshin aqysyz túrde kórsetiledi. Osy isterdi atqarý maqsatynda mınıstrlikte arnaıy jumys toby quryldy. Oǵan salalyq qaýymdastyqtar men odaqtardyń, agrobıznestiń, ǵylymnyń, múddeli memlekettik jáne jergilikti atqarýshy organdardyń, onyń ishinde sybaılas jemqorlyqqa qarsy qyzmettiń ókilderi de kirdi», dep túsindirdi Aýyl sharýashylyǵy mınıstri Erbol Qarashókeev Senatta.

Mınıstrdiń aıtýynsha, sýbsıdııa tetikterin jetildirý jumystary bizge onyń ekonomıkaǵa tıgizer áserin baǵalaýǵa, sýbsıdııa alý prosessterine adamı faktorlardyń yqpalyn meılinshe azaıtýǵa jáne de memlekettik qoldaýdyń turaqtylyǵyn saqtaýǵa qol jetkizedi.

Sońǵy jańalyqtar

Esińde bolar ár kúniń

Qazaqstan • Keshe

Jemqorlyq statıstıkasy

Qazaqstan • Keshe

«Bir belgi úshin...»

Kıno • Keshe

Shynaıylyq

О́ner • Keshe

Balalyq shaqtyń aspany

Qoǵam • Keshe

Uqsas jańalyqtar