Kásipqoı boks • 03 Jeltoqsan, 2021

Sarapshy Golovkındi qatty synap tastady

151 ret kórsetildi

Boxingnews24.com saıtynyń avtory Mett Lıberman IBF jáne IBO tujyrymdary boıynsha orta salmaqtaǵy álem chempıony Gennadıı Golovkındi synap tastady, dep habarlaıdy Egemen.kz.

«Karantın Japonııada jyl boıy sozylsa, Golovkınniń jaǵdaıy qalaı bolmaq? Qazaq boksshysy jas peri emes. Tutas bir jyldy joǵaltýǵa bolmaıdy. Gennadıı buǵan deıin-aq óziniń repýtasııasyn bylǵap aldy. Ol 2019 jyldan bastap sharshy alańǵa jylyna bir ǵana márte shyǵa bastady. Qyryqqa kelgen boksshy úshin bul jaqsylyqtyń nyshany emes. Ol jańa nusqalardy qarastyryp, tyǵyryqtan shyǵatyn jol izdeýi kerek», dedi sarapshy.

Esterińizge sala keteıik, buǵan deıin Gennadıı Golovkın men Rıota Mýrata arasyndaǵy jekpe-jek ýaqyty keıinge shegerilgen bolatyn. Shaıqas jobamen kóktem mezgilinde ótýi yqtımal degen boljam jasalǵanymen, ázirge naqty aqparat joq.

 

Sońǵy jańalyqtar

Petropavlda jas jigitti KamAZ qaǵyp ketti

Aımaqtar • 27 Mamyr, 2022

Uqsas jańalyqtar