Atalǵan hattamada Qazaqstan tarapy Qyrǵyz tarapyna joǵary nemese joǵary oqý ornynan keıingi bilim berý uıymdarynda jyl saıyn kelesi qaǵıdat boıynsha 50 orynǵa deıin bilim beredi dep aıtylǵan:
Qyrǵyz Respýblıkasynyń azamattaryna
- «aqparattyq-kommýnıkasııalyq tehnologııalar», «ınjenerlik, óńdeý jáne qurylys salalary», «aýyl sharýashylyǵy jáne bıoresýrstar» - 15 adam (bakalavrıat - 10, magıstratýra - 5),
- «densaýlyq saqtaý jáne áleýmettik qamtamasyz etý (medısına)» - 5 adam,
- «úzdiksiz ıntegrasııalanǵan medısınalyq bilim berý baǵdarlamasy (6 jyl oqý) jáne rezıdentýra (5 jylǵa deıin oqý)», «pedagogıkalyq ǵylymdar», «óner jáne gýmanıtarlyq ǵylymdar», «áleýmettik ǵylymdar, jýrnalıstıka jáne aqparat», «bıznes, basqarý jáne quqyq» - 10 adam (bakalavrıat, magıstratýra, - 5, magıstratýra - 5);
Qyrǵyz Respýblıkasynyń azamattary bolyp tabylatyn ulty qazaq adamdarǵa «aqparattyq-kommýnıkasııalyq tehnologııalar», «ınjenerlik, óńdeý jáne qurylys salalary», «aýyl sharýashylyǵy jáne bıoresýrstar», «pedagogıkalyq ǵylymdar», «óner jáne gýmanıtarlyq ǵylymdar», «áleýmettik ǵylymdar, jýrnalıstıka jáne aqparat», «bıznes, basqarý jáne quqyq» bilim berý salalary boıynsha bakalavrıat jáne magıstratýra baǵdarlamalary boıynsha Qazaqstan Respýblıkasynyń joǵary jáne (nemese) joǵary oqý ornynan keıingi bilim berý uıymdarynda 20 oqý ornyna deıin (bakalavrıat - 10, magıstratýra - 10) beriledi.
О́z kezeginde Qyrǵyz tarapy qazaqstandyq tarapqa tehnıkalyq mamandyqtar boıynsha - 4 adamdy (bakalavrıat - 2, magıstratýra - 2), medısınalyq mamandyqtar boıynsha - 3 adamdy (spesıalıtet/ordınatýra - 3), gýmanıtarlyq - ekonomıkalyq mamandyqtar boıynsha - 3 adamdy (bakalavrıat - 2, magıstratýra - 1) oqytýdy usynady.
Qujat jobasy 22 jeltoqsanǵa deıin kópshilik talqylaýy úshin «Ashyq NQA» saıtynda ornalastyrylǵan.
