Jańa kitap QR Premer-Mınıstri Asqar Uzaqpaıuly Mamınniń alǵysózimen jaryq kórdi. Al onyń ishindegi taldamalyq maqalany Indýstrııa jáne ınfraqurylymdyq damý mınıstri Beıbit Bákiruly Atamqulov jazǵan.
Kitapta «Táýelsizdik shejiresi» aıdarymen Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaev pen Qazaqstan Respýblıkasynyń Prezıdenti Qasym-Jomart Toqaevtyń Táýelsiz Qazaqstannyń damýyndaǵy tarıhı rólin sıpattaıtyn tarıhı fotosýretter berilgen.
Budan bólek ordaly otyz jyl ishindegi oblystardyń jetken jetistikteri týraly aımaq jáne qala ákimderi jazǵan maqalalar shoǵyrlanǵan.
Sonymen birge kitapta ár túrli salalar men aımaqtardy kórsetetin Qazaqstannyń jetekshi kásiporyndary men brendteri týraly aqparat jarııalanǵan.
«Saýts-Oıl» JShS munaı-gaz kompanııasy mereıtoılyq basylymnyń bas demeýshisi boldy. Kitapqa «QazMunaıGaz» UK» AQ, «О́skemen tıtan-magnıı kombınaty» AQ, «Qarachaganak Petrolıým Opereıtıng B.V.», «SNPS-Aqtóbemunaıgaz» AQ, «ArselorMıttal Temirtaý» AQ, «Kazakhmys Holding» (Qazaqmys Holdıngi) JShS demeýshilik jasady. Kitaptyń avtory jáne qurastyrýshysy Muhametalına Raýshan Qaıyrbekqyzy.
Mereıtoı qarsańynda orys jáne aǵylshyn tilderinde jazylǵan kitap Qazaqstan, EAEO elderi, TMD jáne alys sheteldegi oqyrmandarǵa arnalǵan.
Kitaptyń negizgi mindeti – shetel oqyrmandaryna Qazaqstandy ekonomıkasy, ındýstrııasy damyǵan jáne bıznestiń barlyq salalarynda úlken ósý áleýeti bar el retinde tanystyrý.
