Koronavırýs • 14 Jeltoqsan, 2021

SQO-da sábı koronavırýstan qaıtys boldy

3925 ret kórsetildi

Soltústik Qazaqstan oblysynda ókpesiniń basym bóligi zaqymdanǵan júkti áıel jáne koronavırýs juqtyrǵan shaqalaq qaıtys boldy. Bul týraly О́ńirlik kommýnıkasııalar qyzmetinde ótken baspasóz máslıhatynda aıtyldy, dep habarlaıdy Egemen.kz.

SQO Sanıtarııalyq-epıdemıologııalyq baqylaý departamentiniń basshysy Áset Jumataevtyń aıtýynsha, ótken táýlikte koronavırýsty 57 adam juqtyrǵan. Al ótken eki aptada aýyrǵandar sany 1020 adamǵa jetken, bul onyń aldyndaǵy kezeńmen salystyrǵanda 1,4 ese az.

Oblystyń bas sanıtar dárigeri balabaqshalarda nelikten ata-analardyń beıne-foto túsirilim jasaýyna bolmaıtynyn túsindirdi. Basty sebep – epıdemıologııalyq jaǵdaı. KVI jáne jiti respıratorlyq vırýstyq ınfeksııanyń 1,5 ese artýyna, sondaı-aq osy aptada eki tumaýmen aýyrý jaǵdaıynyń tirkelýine baılanysty balabaqshalarǵa bóten adamdardyń kirýine tyıym salyndy. Iаǵnı mekemelerge anımatorlar, fotograftar kire almaıdy.

Densaýlyq saqtaý basqarmasynyń málimetinshe, juqpaly aýrýlar stasıonarlarynda 369 syrqat bar, 22 % ǵana júktelgen. Jansaqtaý bólimshelerinde 37 adam jatyr. Koronavırýs juqtyrǵan 100 bala dárigerlerdiń baqylaýyna alynǵan. Olardyń altaýy stasıonarda em qabyldap jatyr.

«Osy kúnge deıin 656 júkti áıel koronavırýs juqtyrdy. 10 áıel dárigerlerdiń baqylaýyna alynǵan, úsheýi stasıonarlarda em alyp jatyr. 200-ge jýyq jaǵdaıda áıelderdi kesir tiligi arqyly erte bosandyryp alýǵa týra keldi. Bir áıel, ókinishke oraı qaıtys boldy, onyń ókpesiniń kóp bóligi zaqymdandy. Sondaı-aq úsh náresteni óte erte týýyna baılanysty aman alyp qala almadyq. Bir sábı koronavırýstan kóz jumdy», deıdi oblystyq Densaýlyq saqtaý basqarmasy basshysynyń orynbasary Qumar Kúsemisov.

Mamandardyń aıtýynsha, ekpe egý kabınetteri demalysta da jumys istemek. Jumystan qoly tımeıtinder osy kúnderi vaksına saldyra alady. Bul, ásirese, balalaryna ekpe qoıdyratyn ata-analarǵa yńǵaıly bolmaq, olar demalysta balalarynyń janynda bolyp, ekpeden keıingi jaǵdaılaryn baqylaı alady.

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Almaty qalasy «sary» aımaqta

Koronavırýs • Búgin, 10:28

Uqsas jańalyqtar