Týrnırge 23 komandadan quralǵan 200-ge jýyq bılıardshy qatysyp jatyr.
Jarysta Reseı Federasııasy Omsk qalasy jáne Qazaqstan óńirlerinen kelgen 10 komanda baqtaryn synamaq. Atap aıtsaq, Almaty, Batys, Soltústik Qazaqstan oblystary jáne Almaty, Shymkent, О́skemen, Kókshetaý, Qaraǵandy, Pavlodar, Nur-Sultan qalalary.
«Biz óte úlken týrnır ótkizip otyrmyz. Birinshi týrnırde bir komanda, 14 adam bolsa, qazir 180 adam qatysyp jatyr. Onyń ishinde «sen tur, men aıtaıyn» degen myqtylar keldi. 23 komanda qatysydy. 15 komanda 50-63 jas shamasyndaǵylar. Olardy biz «Arǵymaqtar» deımiz. 63 jastan joǵarǵylar, ıaǵnı «Tarlandar» 2 komandaǵa toptasqan. Oıyn 3 kúnge sozylady. Keremet tartysty jarys bolaıyn dep tur. Barlyǵy aýdan, qala atynan kelgen. Negizgi maqsat – buqaralyq sportty, bılıardty damytý. Bizdiń bastaýymyzben bılıard halyqtyń eń bir súıikti oıynyna aınalyp otyr», dedi uıymdastyrýshy, «Uly Dala Qyrandary» halyqaralyq qozǵalysynyń jáne «Álem qyrandary» bılıardshylar qoǵamdastyryǵynyń basshysy, QR eńbek sińirgen qaıratkeri, jazýshy Sádibek Túgel.
Sóz sońynda Sádibek Túgel qazaqstandyqtardy Táýelsizdiktiń 30 jyldyq mereıtoıymen quttyqtady.
«Egemendigimizdiń 30 jyldyǵy qutty bolsyn! Búgingi merekemen barsha halyqty shyn júrekten quttyqtaımyn! Ár otbasyǵa tabys, jeńis tileımin! Bereke-birligimiz arta bersin!» dedi Sádibek Túgel.
Aıta ketsek, eń qart oıynshy 78 jasta, al eń jas qatysýshy 50 jasqa tolǵan.
