Nurlan Nyǵmatýlın bıylǵy jyl elimiz úshin aıtýly kezeń – Qazaqstan Táýelsizdiginiń 30 jyldyǵy ekenin atap ótip, búginde Memleket basshysy Qasym-Jomart Toqaevtyń bastamasymen elimizde bolyp jatqan saıası júıeni reformalaý, azamattyq qoǵamdy damytý máseleleri týraly aıtty.
Májilis Spıkeri Parlamentaralyq Odaqtyń qyzmetin qoldaıtynyn jáne Uıymmen belsendi ózara is-qımyldy jalǵastyrýǵa daıyn ekenin alǵa tartty. Sonymen qatar, Parlamentaralyq Odaqtyń is-sharalary parlamenttik dıplomatııany ilgeriletýdiń mańyzdy quraly ekenin jáne Parlament ókilderi arasyndaǵy dıalogty nyǵaıtýǵa yqpal etetinin jáne olarǵa Qazaqstan Parlamentiniń depýtattary turaqty túrde qatysatynyn atap ótti. Palata Tóraǵasy mártebeli meımannyń Qazaqstanǵa sapary parlamentaralyq dıalogty odan ári nyǵaıtýǵa jáne Qazaqstan Parlamenti men Parlamentaralyq Odaq arasyndaǵy yntymaqtastyqty damytýǵa eleýli serpin beretinine mán berdi.
О́z kezeginde, D.Pasheký Parlamentaralyq Odaqtyń Qazaqstan Parlamentimen yntymaqtastyǵyn odan ári nyǵaıta túsetinine senim bildirip, Qazaqstan Eýrazııa qurlyǵyndaǵy memleket retinde, Parlamentaralyq Odaqtyń múshesi retinde óte mańyzdy el ekenine nazar aýdardy.
Sondaı-aq Nurlan Nyǵmatýlın qazirgi tańda Parlamentte Ýákil ınstıtýtyn damytý arqyly adam jáne azamattyń quqyqtary men bostandyqtaryn qorǵaý salasyndaǵy zańnamany jetildirý, sybaılas jemqorlyqqa qarsy is-qımyl, azamattardyń quqyqtaryn qorǵaý, ólim jazasy, balalardy qorǵaý, volonterlik qyzmet jáne t.b salalardaǵy zańnamany jetildirý boıynsha júrgizilip jatqan jumystarǵa toqtaldy.
