Aımaqtar • 20 Jeltoqsan, 2021

Esirtki satyp, ómir boıy bas bostandyǵynan aıyryldy

140 ret kórsetildi

Petropavl turǵyny sıntetıkalyq esirtki ázirlep, ınternet arqyly satqan, dep habarlaıdy Egemen.kz.

Polısııanyń málimetinshe, ınternet-dúkenniń 29 jastaǵy ıesin esirtki qylmysyna qarsy is-qımyl jónindegi qyzmetkerler ustaǵan.

Ustalǵan adamnyń esirtki satý arqyly aqsha tapqany anyqtaldy. Ol esirtkini óndirý men taratýdyń tolyq prosesin uıymdastyrdy. Ol úshin er adam Petropavldan páter jaldaǵan, al esirtkiniń tasymalymen erli-zaıyptylar aınalysqan. Buǵan deıin erli-zaıyptylar buzaqylyq pen urlyq úshin sottalǵan.

«Internet-dúken birneshe aı boıy sıntetıkalyq zattardyń saýdasymen aınalysqan. Áleýmettik jelilerdi baqylaý barysynda ol polısııanyń nazaryna iligip, joıyldy. Tintý barysynda jaldalmaly páterden almaly-salmaly tarazylar, esirtki óndirýge qajetti jabdyqtar, býyp-túıý materıaldary, hımııalyq reagentter, satýǵa daıyndalǵan 250 gramm spaıs pen sıntetıkalyq esirtki óndirý úshin paıdalanylatyn 150 gramm konsentrat tárkilendi», dep habarlady SQO PD.

Uıymdastyrýshydan uıaly telefondar, qosymsha sim-kartalar, esirtkilerdi jetkizý adresattary týraly jáne olardan túsken aqsha aýdarymdary týraly jazbalar alyndy.

«Zańsyz aınalymǵa qatysýshylardyń barlyǵy ustaldy. Esirtki quraldaryn, psıhotroptyq zattardy, sol tektesterdi zańsyz daıyndaǵany, saqtaǵany jáne ótkizgeni úshin qylmystyq ister qozǵaldy», dep tolyqtyrdy SQO PD.

Sońǵy jańalyqtar

Kúıden týǵan óleń

Poezııa • Búgin, 20:50

Goshe reaksııasy

Qoǵam • Búgin, 20:48

Sý tasqynynyń aldyn alý jumystary

Tótenshe jaǵdaı • Búgin, 20:40

Balýandar beldesken spartakıada

Sport • Búgin, 20:38

Afrıkadaǵy qazaq kınosy

Kıno • Búgin, 20:34

Erjúrek polıseı baspanaly boldy

Aımaqtar • Búgin, 20:32

Tarazy basy teń

Sport • Búgin, 20:30

Alǵashqy kúni – eki qola

Sport • Búgin, 20:25

Altynnan alqa taqty

Sport • Búgin, 20:25

Elimizdiń úsh oblysynda tuman túsedi

Aýa raıy • Búgin, 18:17

Uqsas jańalyqtar