Parlament • 22 Jeltoqsan, 2021

Májilis Qazaqstan men Reseıdiń arasyndaǵy áskerı yntymaqtastyq týraly qujatty maquldady

72 ret kórsetildi

Parlament Májilisiniń jalpy otyrysynda «Qazaqstan Respýblıkasy men Reseı Federasııasy arasyndaǵy áskerı yntymaqtastyq týraly shartty ratıfıkasııalaý týraly» zań jobasy maquldandy, dep habarlaıdy Egemen.kz.





Atalǵan shart 2020 jylǵy 16 qazanda Nur-Sultan qalasynda jasaldy. Bul qujat ratıfıkasııalanǵannan keıin 1994 jylǵy 28 naýryzdaǵy Qazaqstan Respýblıkasy men Reseı Federasııasy arasyndaǵy áskerı yntymaqtastyq týraly qoldanystaǵy shart óz kúshin joıady.

«Shartqa eki memleket arasyndaǵy áskerı yntymaqtastyqty jandandyryp, ony odan ári damytý maqsatynda qol qoıylǵanyn atap ótken jón. Bul rette 1994 jylǵy jasalǵan sharttyń erejeleri ýaqyt bolmysyna qaraı eskirgen, sondaı-aq olar iske asyrylǵan. Qujatty ratıfıkasııalaý qaýipsizdikti qamtamasyz etý múddesinde áskerlerdi (kúshterdi) qoldanýdy birlesip josparlaý jáne óńirlik qaýipsizdikke tónetin syn-qaterge birlesip qarsy áreket etý, sondaı-aq halyqaralyq uıym, mádenıet, sport aıasynda ózara árekettesý jáne basqa baǵyttarda áskerı yntymaqtastyq jasaýǵa múmkindik beredi. Reseı Qazaqstannyń strategııalyq áriptesi», dedi Qorǵanys mınıstriniń orynbasary Daryn Tuıaqov.

Onyń aıtýynsha, shartty ratıfıkasııalaý memleketterdiń qorǵanys qabiletin nyǵaıtý, qazirgi zamanǵy syn-qaterlerge qarsy is-qımyl jasaý boıynsha úılesimdi áreket etýdi uıymdastyrý baǵytynda birlesip jumys isteýge qosymsha serpin beredi.



Sońǵy jańalyqtar

Uqsas jańalyqtar