Aımaqtar • 27 Jeltoqsan, 2021

Almatyda tórt ındýstrıaldy park qurylady

85 ret kórsetildi

Almaty qalasynda shaǵyn óndiristik parkterdiń sanyn kóbeıtý qolǵa alyndy. Qazirgi ýaqytta megapolıste tórt ındýstrıaldy parktiń qurylysy belsendi júrgizilip keledi, dep habarlaıdy Egemen.kz.

Qalada BrotMaster, ALAESTATE, Samruk Group, AsiaProm Textile jáne taǵy úsh jańa óndiristik parktiń qurylysy qolǵa alyndy. Almaty máslıhatynyń depýtattary bul aımaqtyq ekonomıkada bolashaqta ósimdi qamtamasyz etetin tetikter sanalady deıdi.

Tórt shaǵyn óndiristik park qurylysynyń jalpy aýmaǵy 13,4 myń sharshy metr. Olar Naýryzbaı, Alata jáne Túrksib aýdandarynda salynyp jatyr. Aımaqtarǵa 32 kásiporyn ornalastyrylǵan. Ol jerde keminde 200 adam turaqty eńbek etedi. Nysandar erterekte turaqtap qalǵan ǵımarattardy jóndeýden ótkizý esebinen iske qosylǵan. О́ndiristik bazalar, TOO «Almaty Finance» usynǵan jeńildik nesıeleriniń kómegimen qurylys jumysyna 1,1 mlrd teńge jeke ınvestısııa tartylǵan.

«Almatynyń úsh aýdana ındýstraldy parkterdiń ınfraqurylymdyq damýyna qosymsha jańa rezıdentter tartyldy. Qala ákimi Baqytjan Saǵyntaevtyń bastamasymen qolǵa alynǵan jobanyń ereksheligin ataıtyn bolsaq, eń birinshiden ınvestorlardyń jeńildikter qarastyrylǵan nesıege qol jetkizý bolyp tabylady. Olar jeke qarjylaryn bos turǵan nemese ınfraqurylymy qosylan jańa nysandarǵa salyp, isti dóńgeletip otyr», dedi Almaty qalasy máslıhatynyń hatshysy Stanıslav Kankýrov.

Sonymen qatar úsh shaǵyn óndiristik parkti iske qosý kózdeledi. ALAESTATE, KazStroyTrade – birinshi kezeńi, SıtıBas. Bul jerlerde taý ken salasy, jıhaz jasaý jáne jeńil ónerkásip salasynyń 30 kásiporny jumys isteıtin bolady.

«Búgingi kúni qalanyń ár aýdanynda qaraýsyz qalǵan ǵımarattardyń jerleri kóz aldymyzda qaıta gúldenip keledi. Kásipkerler eskini jańartyp, jańa óndiris oshaqtaryn iske qosýda. Indýstrıaldy parkter Almatydaǵy óndiristik kásiporyndardyń tartylys ortalyǵyna aınaldy. О́ıtkeni munda mydaǵan jumys oryny ashylyp, onshaqty jańa kásiporyn boı kóterýde. Jeńildikter qarastyrylǵan nesıeler zań shyǵarýshy jáne atqarýshy bıliktiń tarapynan zor kómek sanalady. Bul jeńildikter bıznestiń qalamyzǵa qyzyǵýshylyǵyn arttyrary sózsiz. Qazirdiń ózinde óndiristik parkter jetistiginiń syry – bıznes pen bıliktiń birlesken jumsynyń nátıjesinde ekeni kórinip tur», dedi Almaty qalasy máslıhatynyń hatshysy.

Sońǵy jańalyqtar

Almaty zoobaǵy qonjyqpen tolyqty

Ekologııa • Búgin, 19:10

Dollar taǵy qymbattady

Qarjy • Búgin, 16:55

Elimizdiń basym bóliginde jańbyr jaýady

Aýa raıy • Búgin, 16:39

Almatyda sýburqaqtar iske qosylady

Aımaqtar • Búgin, 16:11

Uqsas jańalyqtar