Plastıkalyq jáne alıýmınıı bótelkelerdi óńdeýge qabyldaıtyn alǵashqy avtomat Arshaly aýdany Jibek Joly kentiniń «Alan» saýda úıine ornatyldy.
Bul týraly Jibek Joly aýyldyq okrýginiń ákimdigi óziniń Instagram paraqshasynda bólisti. Jibek Joly aýyldyq okrýginiń ákimi Qanat Qanafınniń aıtýynsha, jergilikti turǵyndar jańalyqty joǵary baǵalady.
«Bul oblys pen jalpy el úshin orasan zor joba dep sanaımyn. Árıne, qoqys tastaýdan, plastık pen alıýmınıı ydystardy tapsyrýdan jáne ol úshin aqsha alýdan góri jaqsy. Bul ekologııa úshin úlken mańyzǵa ıe. Endi jobaǵa dámhana, meıramhana, dúkenderdi de qosqymyz keledi, olar da merekeden keıin ydys jınap, qoqysty tastamaıdy», dep bólisti Qanat Qanafın.
Ekologııalyq jobany ekoaktıvıst Shasalım Shagalımov ázirledi. «Bul – Aqmola oblysyndaǵy alǵashqy fandomat. Osyndaı úsh avtomat qazirdiń ózinde Nur-Sultanda ornatylǵan. Men ekologııalyq is-sharalardy uıymdastyrýmen jáne ótkizýmen jeti jyl boıy aınalysyp kelemin. Nelikten Arshaly aýdany tańdaldy? Másele mynada: Jibek Joly, Qoıandy, Qosshy, Talapker, Ilınka sııaqty Nur-Sultan qalasynyń seriktes kentterinde qoqys polıgony joq, tıisinshe apatty qoqys úıindileri kóbeıýde. Sondyqtan synaq nusqasyn Jibek Joly kentine qoıýdy jón kórdik. Sonymen qatar, seriktes aýyldarda adamdar avtobýstardy jıi paıdalanady, sondyqtan adamdar tarany tapsyryp, qalaǵa tegin jetýi úshin fandomat sol jerge barady», deıdi Shasalım Shagalımov.
Bir plastık bótelke bes teńgege, al alıýmınıı quty eki teńgege baǵalanady. Bul aqshany kólik kartańyzǵa aýdarýǵa nemese qaıyrymdylyqqa qaldyrýǵa bolady. Ekoaktıvıstiń aıtýynsha, bolashaqta olar óz jobalaryn odan ári damytýǵa nıetti.
