BJZQ málimetinshe, 1 jeltoqsanǵa qaraı qazaqstandyqtardyń zeınetaqy jınaqtarynyń mólsheri 13,4 trıllıon teńgege jetti. Adamdar turǵyn úı satyp alýǵa, densaýlyǵyn jaqsartýǵa qarajattyń bir bóligin alǵanyna qaramastan, bir jyl ishinde bul soma 5 paıyzǵa, 648 mıllıardqa ósip otyr.
Bıylǵy 11 aıdyń qorytyndysy boıynsha, qazaqstandyqtardyń zeınetaqy jarnalary ótken jyldardyń uqsas kezeńimen salystyrǵanda alǵash ret 1 trıllıon teńgeden asyp, rekord ornatty. Bir jyl ishinde jarnalar somasy 24 paıyzǵa artty, bul sońǵy úsh jyldaǵy eń joǵary kórsetkish.
Sarapshylar zeınetaqy jarnalary barlyq baǵyt boıynsha ósip jatqanyn aıtady. Máselen, osy 11 aıda mindetti zeınetaqy jarnalary (MZJ) boıynsha 1,1 trıllıon teńge túsken (bir jyldaǵy ósim 24 paıyz). Mindetti kásiptik zeınetaqy jarnalary (MKZJ) boıynsha 50,4 mıllıard (bir jyldaǵy ósim - 18 paıyz) túsken. Sondaı-aq, erikti zeınetaqy jarnalary (EZJ) kóleminiń bir jylda birden 38 paıyzǵa, 660 mıllıon teńgege deıin aıtarlyqtaı ósýi baıqalady.
1 qańtar men 1 jeltoqsan aralyǵynda zeınetaqy jarnalarynan túsetin ınvestısııalyq tabys 1,3 trıllıon teńge boldy, bul ótken jyldyń kórsetkishinen 210 mıllıard teńgege artyq. Qazaqstan Ulttyq banki basqaratyn BJZQ zeınetaqy aktıvteri boıynsha kiristilik jyl basynan beri 7,8 paıyz, ınflıasııamen 11 paıyz boldy.
