«Memleket basshysy «Qazaqstan Respýblıkasynyń keıbir zańnamalyq aktilerine kórneki aqparat jáne dinı qyzmet máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy», delingen Aqordanyń resmı saıtynda.
8 jeltoqsanda Májilistiń jalpy otyrysynda depýtattar «QR keıbir zańnamalyq aktilerine kórneki aqparat jáne dinı qyzmet máseleleri boıynsha ózgerister men tolyqtyrýlar engizý týraly» zań jobasyna Senat engizgen túzetýlermen kelisti. Qujat QR Prezıdentine qol qoıýǵa jiberildi.
Senat «Dinı qyzmet jáne dinı birlestikter týraly» QR Zańyna ar-ojdan bostandyǵy quqyǵyn júzege asyrý, mádenı ǵımarattar men qurylystardan tys jerlerde dinı is-sharalardy ótkizýge engiziletin habarlama tártibin naqtylaý bóliginde túzetýler engizdi.
Sondaı-aq, qujat memlekettik tildiń rólin odan ári kúsheıtýge baǵyttalǵan. Atap aıtqanda, jol belgilerindegi jazbany memlekettik tilde jazý, sondaı-aq habarlandyrýlardy, jarnamany, preıskýranttardy, baǵa belgilerin, mázirlerdi, nusqaǵyshtardy jáne basqa da kórneki aqparatty memlekettik tilde, qajet bolǵan jaǵdaıda, eger Qazaqstan Respýblıkasynyń zańnamalyq aktilerinde ózgeshe kózdelmese, orys jáne basqa da tilderde ornalastyrý kózdeledi.
