Aımaqtar • 30 Jeltoqsan, 2021

Almatyda Ybyraı Altynsarınge eskertkish ornatyldy

551 ret kórsetildi

Búgin Almaty qalasynyń ákimi Baqytjan Saǵyntaev ómirin balalardy oqytýǵa arnaǵan ult ustazynyń 180 jyldyǵynda Ybyraı Altynsarınge arnalǵan eskertkishtiń saltanatty ashylýyna qatysty, dep habarlaıdy Egemen.kz.

Osylaısha Almatydaǵy Ybyraı Altynsarın atyndaǵy kóshede qazaq halqynyń uly aǵartýshysy, jazýshy, etnograf, qoǵam qaıratkeriniń eskertkish qoıyldy.

Saltanatty sharaǵa Almaty qalasynyń ákimi Baqytjan Saǵyntaev, Qazaqstan Jazýshylar odaǵynyń tóraǵasy Ulyqbek Esdáýlet, Ulttyq Ǵylym akademııasynyń prezıdenti Murat Jurynov, zııaly qaýym ókilderi men qoǵam qaıratkerleri qatysty.

kIs-shara barysynda qala ákimi B. Saǵyntaev Ybyraı Altynsarınniń murasy tek bir halyq pen etnos úshin ǵana emes, búkil adamzat úshin asa qundy ekenin atap ótti.

B. Saǵyntaev bilim berý salasynyń qala men memleketti damytýdaǵy mańyzyn atap ótti. Sondyqtan Almatyda muǵalimderdi qoldaý, jańa mektepter salý jáne oqý prosesine ınnovasııalyq ıdeıalardy engizý boıynsha barlyq sharalar qabyldanyp otyr.

Qola men granıtten jasalǵan, bıiktigi alty metrlik eskertkishtiń avtorlary – Danııar Sarbasov, Álimjan Toqbaev, Dýlat Úsenbaev jáne Qanat Begýlıev.

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Dollar arzandady

Qarjy • Búgin, 16:22

Shymkentte de LRT salynýy múmkin

Aımaqtar • Búgin, 12:50

Uqsas jańalyqtar