Aıagóz qalalyq PB kóshi-qon qyzmeti bólimine jeke sot oryndaýshysynyń óz balalaryn asyrap-baǵýǵa alıment tólemeı júrgen 47 jastaǵy boryshkerge izdeý jarııalaý týraly qaýlysy kelip tústi.
«Izdestirý is-sharalary barysynda Aıagóz APB kóshi-qon qyzmetiniń qyzmetkerleri 24 saǵat ishinde izdeý isin ashpastan alıment tóleýden jaltaryp júrgen azamattyń júrgen jerin anyqtaǵan. Belgili bolǵandaı, er adam bir jyldan astam ýaqyttan beri óziniń tórt balasyna qaryzy 400 myń teńgege jetken. Endi qaryzdy óndirip alýmen sot oryndaýshylary aınalysady», dedi Kóshi-qon qyzmeti basqarmasynyń bastyǵy Erbol Bekpaev.
ShQO PD kóshi-qon qyzmeti atqarý qujatyn oryndamaǵany úshin QR ÁQBtK-niń 669-baby (Sot úkimin, sot sheshimin nemese ózge de sot aktisi men atqarý qujatyn oryndamaý) jáne QR QK-niń 139-baby (Balalardy asyraýǵa qarajat tóleý jónindegi mindetterdi oryndamaý, eńbekke jaramsyz ata-anasyn, eńbekke jaramsyz jubaıyn (zaıybyn) asyraýǵa qarajat tóleýden jaltarý) boıynsha ákimshilik jaýapkershilik kózdelgenin eskertedi.
