Oqıǵa • 04 Qańtar, 2022

Almatyda sheteldik azamattardy tonaǵandar ustaldy

39 ret kórsetildi

Almatyda Jańa jyl qarsańynda Úndistan azamatyn tonap, loto klýbqa qaraqshylyq shabýyl jasaǵandar ustaldy, dep habarlaıdy Egemen.kz.

Vedomstvo málimetinshe, qylmystyq toptyń 27-jastaǵy eki múshesi de buryn sottalǵan, ekeýi de - Túrkistan oblysynyń týmalary.

«Sotaldy tergeý amaldary barysynda belgili bolǵandaı, kúdikti azamattar Jańa jyl merekesi qarsańynda Úndistan eliniń azamatyn tonap, loto klýbqa qaraqshylyq shabýyl jasaǵan. Eki jaǵdaıda da olar travmatıkalyq tapansha paıdalanǵan. Shetel azamatynyń uıaly telefony men aqshasyn tartyp alǵan, keıin loto klýb kassasynan 2 mıllıon teńge kóleminde qarajatty qoldy etken. Qaraqshylyq shabýyl kezinde atalǵan mekemeniń kúzetshisi jaralanǵan», dedi Almaty qalasy Polısııa departamentiniń Krımınaldyq polısııa basqarmasynyń bastyǵy polısııa podpolkovnıgi Qýatbek Naýatov.

Onyń aıtýynsha, atalǵan aýyr qylmystardy ashý úshin arnaıy jedel tergeý toby qurylyp, nátıjesinde jedel ýákilder kúdiktilerdi Nur-Sultan qalasynda qolǵa túsirgen. 

«Keıin kúdiktiler buǵan deıin Almaty oblysy, Qarasaı aýdany aýmaǵynda ornalasqan loto klýbqa da shabýyl jasaǵany anyqtalady. Qazirgi tańda ustalǵandar ózge de qylmystarǵa qatysy bar-joǵy anyqtalyp jatyr», dedi Qýatbek Naýatov.

 

Sońǵy jańalyqtar

Dollar taǵy qymbattady

Qarjy • Búgin, 16:55

Elimizdiń basym bóliginde jańbyr jaýady

Aýa raıy • Búgin, 16:39

Almatyda sýburqaqtar iske qosylady

Aımaqtar • Búgin, 16:11

Jem-shóp daqyldarynyń alqaby uǵaıtyldy

Qazaqstan • Búgin, 12:30

Uqsas jańalyqtar