Juldyzdar alleıasy jańa esimdermen tolyqty

– О́kinishke qaraı, qazaq kınosynyń negizin qalaýshylardyń birazy ba­qı­lyq bolyp, búginde orny ortamyz­da oısyrap tur. Biz olardyń esi­­min qurmettep, bolashaq urpaqqa dárip­teýimiz kerek. Olardyń esimderi jul­­dyz ıelenip jatqanyna shyn jú­rek­ten qýanyshtymyn, barshańyzǵa zor densaýlyq tileımin, – degen Qazaq­stan­nyń Eńbek Eri, KSRO halyq ártisi Asanáli Áshimov barsha kınogerlerdi birlikke shaqyrdy.

Juldyzdar alleıasy, eń aldymen, Qazaqstannyń ulttyq mádenıetine, ásirese, qazaq kıno óneriniń órkendeýine ólsheýsiz eńbek sińirgen Oljas Súleı­menovtiń esimimen tolyqty. Aqynnyń shyǵarmashylyq ómirbaıany kınomen birge órildi: «Qazaqfılm» kı­no­stýdııasynyń bas redaktory, Qazaq KSR Memlekettik kınosynyń tór­aǵasy qyzmetin atqardy. Qazaq kı­nosynyń altyn qoryna engen Sh.Aı­manovtyń «Atameken» fılmi Oljas Súleımenovtiń ssenarııi boıynsha túsirildi. Sondaı-aq Oljas Súleı­menovtiń tikeleı qoldaýymen «ulttyq kınonyń jańa tolqyny» kıno áleminiń esigin ashty.

Qazaq kınosyndaǵy tuńǵysh dybys rejısserleriniń biri Qadyr Qosaı men Qazaq KSR-nyń eńbek sińirgen ártisi, «Qyz Jibek» fılminde basty róldi somdaǵan Merýert О́tekesheva da óz jul­dyzyn ashty. Estelik-juldyz 2017 jyly ómirden ozǵan akter, Qazaq­stannyń halyq ártisi Quman Tastan­bekovke de berildi. Onyń juldyzyn Asanáli Áshimov ashty.

Sonymen qatar bıyl jazda mez­gilsiz ómirden ozǵan rejısser Saty­baldy Narymbetovtiń esimi de jul­dyzdar alleıasynan óz ornyn tapty. Onyń týyndylary Qazaqstannyń dańqyn dúnıe júzine asqaqtatty, tarıhtyń qatparlaryn ashty, ótkenge taǵzym jasaı otyryp bolashaqqa senimmen qaraýǵa shaqyrdy. S.Narym­betov alǵashqylardyń biri bolyp Fransııanyń kıno óneri aka­de­mııasynyń laýreaty atandy, Jorj jáne Rıta Sadýl atyndaǵy bedeldi syılyqty ıelendi. Juldyzdy ashqan «Qazaqfılm» kınostýdııasynyń prezıdenti Aqan Sataev Narymbetovtiń uldaryna jaqynda Fransııada ótken Qazaqstan kınosynyń festıvali aıasynda rejısserge marqum bolǵannan keıin berilgen «Ulttyq kınematografııanyń damýyna qosqan úlesi úshin» syılyǵyn tabys etti.

Operator jáne rejısser, ssenarıst Igor Vovnıanko, akterler – Meńtaı О́tepbergenov, Jambyl Qu­daıbergenov jáne Farhat Ábdi­raıymov, operator-rejısser Vıa­ches­lav Belıalov, bas ınjener-sáý­letshi Iýrıı Breýs, kınooperator jáne rejısser, Otan so­ǵysynyń arda­geri Mark Berkovıch, sondaı-aq ke­ńestik Qazaqstannyń alǵashqy hro­nıkasyn túsirgen alǵashqy kıno­operatorlardyń biri Eskendir Ty­nyshpaev syndy eńbegi sińgen qaı­ratkerlerdiń esimi Juldyzdar alleıa­synan óz ornyn enshiledi.

Esterińizge sala ketsek, Juldyzdar alleıasy 2011 jyly YII Halyqaralyq «Eýrazııa» kınofestıvali aıasynda ashylǵan bolatyn. Búginde bul alleıa­da barlyǵy 46 kınogerdiń esimi bar juldyzdar ornatylǵan.

ALMATY