Aımaqtar • 05 Qańtar, 2022

Baqytjan Saǵyntaev almatylyqtarǵa úndeý jarııalady

1229 ret kórsetildi

Almaty qalasynyń ákimi Baqytjan Saǵyntaev turǵyndarǵa úndeý jarııalady, dep habarlaıdy Egemen.kz.

«Qurmetti almatylyqtar! Qaladaǵy aýyr jaǵdaıǵa baılanysty ózderińizge úndeý joldaımyn.

Qalamyzdyń tynyshtyǵyn buzýǵa arandatýshylar ekstremıstik áreketterimen syrttan da, ishten de áser etýde.

Almatynyń tynyshtyǵy men beıbit ómirin saqtaý maqsatynda quqyq qorǵaý organdary qajetti sharalardy qabyldaýda. Qazir qaladaǵy jaǵdaı bılik baqylaýyna alyndy. Arandatýshylar men ekstremıster ustalyp, búlik salýshylar anyqtalyp jatyr.

Jańa ǵana Memleket basshysy 2022 jylǵy 5 qańtardaǵy saǵat 01:30-dan 2022 jylǵy 19 qańtardyń saǵat 00:00 kezeńi aralyǵynda Almaty qalasynda tótenshe jaǵdaı engizý týraly Jarlyqqa qol qoıdy. Bul zańdylyq pen tártipti qalypqa keltirý, qoǵam qaýipsizdigin saqtaý, azamattardyń bostandyǵy men quqyǵyn qorǵaý jolyndaǵy mańyzdy sheshim.

El Prezıdentiniń Jarlyǵyna sáıkes qalalyq polısııa departamentiniń bastyǵy, general Qanat Taımerdenov Almaty qalasynyń Komendanty bolyp taǵaıyndaldy. Ákimdik qalanyń tynys-tirshiligin qamtamasyz etetin barlyq salany qalypta ustaý maqsatynda jumys isteýde.

Bizdiń ortaq maqsatymyz – qalamyzda tynyshtyq pen turaqtylyqty qamtamasyz etý, beıbit halyqty qaýip-qaterden aman saqtaý. Sondyqtan bárińizdi arandatýshylyq pen zańsyzdyq áreketterdi qoldamaýǵa shaqyramyn. Búgingi túnde qalamyzdyń tynyshtyǵyn saqtaýǵa atsalysqan tártip saqshylary men barlyq jaýapty qyzmetkerlerge túsinistik tanytyp, jaýapkershilikpen qaraǵan almatylyqtarǵa rahmetimdi aıtamyn!», dedi qala ákimi óziniń úndeýinde.

Sońǵy jańalyqtar

Qazaqstanda et qymbattady

Qoǵam • Búgin, 15:10

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Uqsas jańalyqtar