О́tken túni jergilikti atqarýshy organdar men prokýratýranyń eskertýlerine qaramastan, azamattar arandatýshylyq shaqyrýlarǵa erip, turaqtylyqqa jáne halyqtyń qaýipsizdigine qaýip tóndiretin zańsyz áreketter jasaı bastady.
Azamattardyń jekelegen toptary joldardy jaýyp, qoǵamdyq tártipti, azamattardyń tynyshtyǵyn jáne eldi mekenderdiń tirshiligin qamtamasyz etý júıesin buzyp, kólik qozǵalysyna tosqaýyl boldy.
Zańsyz sherýler barysynda quqyq qorǵaý jáne quqyqtyq tártip pen qaýipsizdikti qamtamasyz etetin basqa da organdardyń qyzmetkerlerine shabýyl jasaldy. Atap aıtqanda, Almaty, Shymkent jáne Taraz qalalarynyń ákimdikterine shabýyl jasalyp, áınekter men esikteri syndy, basqa da materıaldyq zalal keltirildi. Tastar, taıaqtar, gaz, burysh ballondary jáne janǵysh qospasy bar bótelkeler paıdalandy. Qoǵamdyq qaýipsizdikti qamtamasyz etý maqsatynda polısııa qoǵamdyq tártipti buzýdyń jolyn kesý jáne tártip buzýshylardy ustaý boıynsha zańda kózdelgen sharalardy qabyldady.
Zańsyz áreketterdiń saldarynan ishki ister organdarynyń 95 qyzmetkeri dene jaraqattaryn alǵan. 37 qyzmettik avtokólik búlingen.
Osyǵan baılanysty, bılik ókilderine qarsy kúsh qoldaný, buzaqylyq, memlekettik organdardyń ǵımarattaryna shabýyl jasaýdyń 13 faktisi boıynsha sotqa deıingi tergeý bastaldy. Qoǵamdyq tártipti buzǵan 200-den astam adam ustaldy.
