«Almatyda polısııanyń arnaıy jasaǵy júrgizgen operasııa barysynda «Dıkıı Arman» degen laqap atpen tanymal Arman Jumakeldıev bastaǵan qylmystyq toptyń 6 ókili ustaldy», dep habarlady vedomstvonyń baspasóz qyzmeti.
QR IIM-niń dereginshe, qylmyskerler olardy ustaý kezinde qarsylyq kórsetýge tyrysqan.
«Alaıda, polısııanyń tabandy áreketteriniń nátıjesinde qylmyskerler oılaǵan maqsatyna jete almady. Ustaý barysynda kúdiktilerden markalary men kalıbri ártúrli 4 jartylaı avtomatty tapansha jáne olardyń oq-dárileri, sýyq qarý men brondalǵan avtomobıl alyndy», dep naqtylady mınıstrlik ókilderi.
Aıta keteıik, búgin Memleket basshysy Qasym-Jomart Toqaev Qazaqstan halqyna úndeýinde Almaty, Aqtóbe qalalary men Almaty oblysyndaǵy jaǵdaı qalpyna keltirilgenin atap ótken edi.
