Taǵaıyndaý • 14 Qańtar, 2022

UQK Jambyl oblysy boıynsha departamentiniń basshysy aýysty

150 ret kórsetildi

Jambyl oblysy boıynsha Ulttyq qaýipsizdik komıteti departamentiniń bastyǵy bolyp Nurlan Káribjanov taǵaıyndaldy, dep habarlaıdy Egemen.kz.

Osy qyzmetti atqaryp kelgen Marat Irmenov Almaty qalasynyń UQK departament basshysy bolyp aýysty. Bul týraly óńirlik jedel shtabtyń kezekti otyrysynda aıtyldy.

N.Qalqamanuly buǵan deıin UQK-niń ortalyq apparatynda departament basshysy laýazymyn atqarǵan. Sondaı-aq, ol 2011 – 2016 jyldary UQK Jambyl oblysy boıynsha departamentiniń bastyǵy bolyp eńbek etken.

Oblys ákimi Berdibek Saparbaev  jańa basshyny  tanystyryp, artylatyn senim men júktelgen mindet júgi aýyr ekenin basa aıtty.

Aımaq basshysy qazirgi tańda halyq qaýipsizdigin qamtamasyz etý – eń basty másele ekenin jetkizdi.

«Memleket basshysynyń tapsyrmasyna sáıkes óńirdegi turaqtylyqty, turǵyndardyń qaýipsizdigin, tynyshtyǵyn qamtamasyz etý kerek.  Ol úshin barlyq jergilikti atqarýshy, quqyq qorǵaý organdary men kúshtik qurylymdar ózara birlese jumys istegeni mańyzdy.

Halyq ózin qaýipsiz sezinip, úlkender jumysqa, balalar sabaqqa, balabaqshaǵa emin-erkin barýy tıis», dedi oblys ákimi.

B. Saparbaev buǵan deıingi shtab otyrysynda berilgen tapsyrmalardyń oryndalýyn tezdetý qajettigine toqtaldy.

Jappaı tártipsizdikke qatysýshy búlikshilerdi, arańdatýshylar men  qarýly qylmyskerlerdi anyqtaý, ustaý,  qoldy bolǵan qarý-jaraqtardy qaıtarý boıynsha atqarylyp jatqan jumystar týraly polısııa departamenti bastyǵynyń mindetin atqarýshy, oblys komendanty Baqyt Rataev  baıandady.

Ol búginge deıin 143 qarý-jaraq tabylyp, tárkilengenin aıtty.

Basqosýda tótenshe jaǵdaı rejımi jáne komendanttyq saǵat talaptarynyń saqtalý barysy, oblys aýmaǵyndaǵy 31 blok-bekettiń jumysy jóninde de esep berildi.

Sońǵy jańalyqtar

PIK pen MIB-tiń «shaıqasy»

Qazaqstan • Keshe

Plastık qaptamanyń álegi

Ekologııa • Keshe

Kólikqumarlarǵa arnaldy

Ekonomıka • Keshe

Qymbat em-dom qoljetimdi

Medısına • Keshe

О́lke táji – О́leńti

Aımaqtar • Keshe

Aqshoqyda arqar atqan...

Aımaqtar • Keshe

Jastarǵa janashyr joba

Qoǵam • Keshe

Týrıster qyzyǵatyn ólke

Týrızm • Keshe

Uqsas jańalyqtar