Shahar basshysy Turan jáne Asar-2 shaǵynaýdandarynda atqarylǵan jumystardy qadaǵalap, turǵyndarmen kezdesti.
Eldi mekenderdi ınjenerlik jelilermen qamtýdyń Jol kartasy bekitilgen. Qala shaǵynaýdandary men turǵyn alaptarynda aıqyndalǵan ózekti máseleler osy mejege sáıkes kezeń-kezeńimen sheshiletin bolady.
Turan shaǵynaýdanynda aýyz sý, elektr qýaty, tabıǵı gazben qamtý jumystary josparǵa sáıkes atqarylýda. 6,88 shaqyrym magıstral qurylysy jáne birinshi kezeń boıynsha ishki oramdyq júıelerdiń qurylysy tolyq aıaqtalǵan.
Asar-2 eldi mekeninde aýyz sý júıeleriniń qurylysy aıaqtalyp, paıdalanýǵa berildi. 50,04 shaqyrym gaz júıeleriniń qurylysy júrgizildi.
Qala ákimi turǵyndarmen kezdesýde atalǵan jumystardyń barlyǵy azamattardyń ıgiligi úshin atqarylyp jatqanyn atap ótti. Eldi mekenderde turǵyndar úshin laıyqty ómir sapasyn qamtamasyz etý baǵytynda aýqymdy jumystar josparly túrde júzege asyp, eldi mekendegi ózekti máseleler retimen sheshiletindigin aıtty.
