Buǵan deıin Prezıdenttiń Jarlyqtaryna sáıkes, ózge óńirlerde tótenshe jaǵdaı merziminen buryn toqtatylǵan bolatyn.
Osylaısha, búkil el aýmaǵy qalypty ómirge oralady. Tótenshe jaǵdaı kezindegi qoǵamdyq tártipti qorǵaýdy kúsheıtý jáne erkin júrip-turýǵa, eldi mekenderge kirýge jáne shyǵýǵa, t.b. qosymsha engizilgen shekteý sharalary da joıylady.
«Halyqtyń birligi men tutastyǵynyń, quqyq qorǵaý organdary men áskerılerdiń jankeshti is-qımyldarynyń arqasynda Qazaqstannyń barlyq aýmaǵynda tártip pen tynyshtyq qalpyna keltirildi. Elimizde árqashan beıbitshilik pen ıgilik bolsyn!», dep jazdy Prezıdenttiń baspasóz hatshysy Berik Ýálı óziniń Facebook paraqshasynda.
