О́KQ brıfınginde ákimdik ókilderinen qaladaǵy tártipsizdik kezinde búlingen kólikter men páterler ıelerine memleket shyǵyndy óteı me degen suraq qoıyldy.
Ákim orynbasary Ilııas О́serov zardap shekken kásipkerler men jeke tulǵalarǵa ótemaqy tóleý áli bastalmaǵanyn, óıtkeni ótemaqy tóleý erejeleri jaqynda ǵana ázirlengenin jáne áli qabyldanyp jatqanyn aıtty. Bul erejelerdi úkimettik komıssııa ákimdikke jetkizgen kezde turǵyndar nazaryna usynylady.
«Halyqtyń tikeleı jeke múlkine keletin bolsaq, bul máselelerdi de pysyqtaımyz. Kóp jeke avtokólik zardap shekkeni túsinikti, jaı zaqymdanǵany, órtenip ketkenderi bar. Bul máseleni de qarastyryp jatyrmyz, zardap shekken halyq, múmkin polısııaǵa aryz berý kerek shyǵar, eger olardyń zalaly shyn máninde rastalsa, ony óteý máselesin, onyń ishinde jeke tulǵalarǵa da qarastyramyz», dedi ákim orynbasary.
