Aımaqtar • 19 Qańtar, 2022

Almatylyq kásipkerlerdiń ótinishi arnaıy saıt arqyly qabyldanady

39 ret kórsetildi

Almatyda jappaı tártipsizdik kezinde keltirilgen shyǵynnyń jalpy somasy 95 mlrd teńgeden asady. 1600 kásipkerlik sýbekti zardap shekti. Onyń 96 paıyzy shaǵyn jáne orta bıznes ókilderi. Bul týraly brıfıng barysynda qala ákiminiń orynbasary Ilııas О́serov málim etti, dep habarlaıdy Egemen.kz.

Onyń aıtýynsha, zardap shekken shaǵyn jáne orta bızneske ótemaqy tóleý mehanızmi ázirlengen. Bul baǵytta memlekettik organdardyń qatysýymen arnaıy komıssııa jumys isteıdi. Onyń quramyna depýtattar men qoǵamdyq birlestikter, «Atameken» UKP-nyń qyzmetkerleri kirdi.

«Bıznes sýbektileriniń ótinishi elektrondy túrde Infokazakhstan.kz saıtynda qabyldanady. Onda jeke kásipker men zańdy tulǵalar ózderiniń kásipker ekenin rastaıtyn jáne keltirilgen shyǵynnyń foto, vıdeosyn kórsetedi. Sodan soń ony óńirlik jáne qor komıssııasy 5 kún ishinde qaraıdy. Qazir Almatyda ákiminiń tapsyrmasymen qurylǵan О́ńirlik komıssııa jappaı tártipsizdikten qalaǵa keltirilgen shyǵyndy áli eseptep jatyr. Búgingi kúni aldyn ala boljam boıynsha jalpy shyǵyn 95 mlrd teńgeden asty. Onyń ishinde 54 ákimshilik nysan zaqymdanǵan. Quqyqqorǵaý jáne kommýnaldyq qyzmettiń 260 kóligi, odan bólek jeke tulǵalardyń 150 avtokóligi órtengen, ıaǵnı 2 mlrd teńgeden astam shyǵyn keldi», deıdi Ilııas О́serov.

Sońǵy jańalyqtar

Bar jaqsymyz – balalarǵa

Qazaqstan • Keshe

Adam quqyǵyn qorǵaýdaǵy jańa beles

Referendým-2022 • Keshe

Akademıktiń algorıtmi

Ǵylym • Keshe

Erdi syılar el qaıda?

Qoǵam • Keshe

Altyn qyz

Sport • Keshe

Talant pen talap

Ádebıet • Keshe

Tarıhı tanym taǵylymy

Tarıh • Keshe

Ádebı ómirdegi áıelder

Rýhanııat • Keshe

Uqsas jańalyqtar