Aımaqtar • 26 Qańtar, 2022

Almaty oblysynda polısııa qyzmetkeri qamaýǵa alyndy

110 ret kórsetildi

Almaty oblysynda jol apatyn jasaǵan polısııa qyzmetkeri qamaýǵa alyndy, dep habarlaıdy Egemen.kz.

Jol-kólik oqıǵasy saldarynan 20 jastaǵy jolaýshy aýrýhanada kóz jumdy.

Oblystyq Polısııa departamentiniń baspasóz qyzmeti málim etkendeı, oqıǵa 23 qańtar kúni Almaty-Talǵar jolynyń 12-shi shaqyrymynda oryn aldy.

«Toıota Prado» jáne «Honda Strım» markaly avtokólikterdiń apaty boıynsha QR QK 345 babynyń 3 bóligi jáne qylmystyq kodekstiń 347 babyna sáıkes is qozǵalyp, tergeý júrgizilýde.

Oqıǵa saldarynan «Honda Strım» kóliginiń júrgizýshisi jáne jolaýshysy túrli dene jaraqatymen Almaty qalasyndaǵy oblystyq aýrýhanaǵa jetkizildi. Birvq 20 jastaǵy jolaýshy aýrýhanada kóz jumdy.

«Toıota Prado» kóliginiń júrgizýshisi oqıǵa ornynan qashyp ketkeni anyqtaldy. Kóp uzamaı polısııa qyzmetkerleri kúdiktiniń ornalasqan jerin anyqtap, qolǵa túsirdi.

«Tekseris barysynda kólikti ishki ister organynda qyzmet atqaratyn er adam júrgizgeni anyqtaldy. Oblystyq polısııa departamenti qyzmettik tekseris júrgizip, qylmysker 24  qańtar kúni jumystan qýyldy. Qazir barlyq saraptama taǵaıyndalyp, tergeý jumystary júrip jatyr», dep túıindedi oblystyq Polısııa departamentiniń baspasóz qyzmeti.

Sońǵy jańalyqtar

Uqsas jańalyqtar