Álem • 26 Qańtar, 2022

Berdimuhamedov Ulybrıtanııa elshisin tyǵyryqqa tiredi

48 ret kórsetildi

2022 jylǵy 11 qańtarda Túrkimenstan Prezıdenti Gýrbangýly Berdimuhamedov Ulybrıtanııa jáne Soltústik Irlandııa Birikken Koroldiginiń Túrkimenstandaǵy jańadan taǵaıyndalǵan Tótenshe jáne О́kiletti Elshisi Lıýsı Ýaıld hanymdy qabyldady, dep habarlaıdy Egemen.kz.

Kezdesý barysynda elshi prezıdentke senim gramotasyn tapsyrǵan. 

Lıýsı Ýaıld prezıdentke II Elızaveta hanshaıym men premer-mınıstr Borıs Djonsonnyń ystyq sálemin jetkizip, Túrkimenstannyń teńdik, ózara qurmet jáne tıimdilik qaǵıdattaryna negizdelgen baılanystardy nyǵaıtýǵa beıil ekenin bildirdi. 

Al G. Berdimuhamedov túrikmen-brıtan qarym-qatynastaryn ártaraptandyrý qajet ekenin aıtqan. 

Budan bólek taraptar syılyq almasty. Brıtan dıplomatııalyq mıssııasynyń basshysy G. Berdimuhamedovke farfordan jasalǵan ydys pen Hanshaıymnyń jylqylary týraly kitap syılady. Prezıdentte elshini qur-qol qaıtarǵan joq. Ol oǵan qymbat baǵalanatyn túrkimen kilemin syıǵa tartty. 

Aıta ketelik, Ulybrıtanııa Syrtqy ister mınıstrligi óz qyzmetkerleriniń syılyq qabyldaýyna qatysty anyq jáne qatań saıasat ustanady. 

Erejege sáıkes, shetelde jumys isteıtin brıtandyq dıplomattarǵa quny 140 fýnt sterlıngke deıingi syılyqtardy saqtaýǵa ruqsat etilgen. 

Ýaıld hanymǵa berilgen kilem qymbatyraq bolǵandyqtan, ol ony saqtaý úshin Hanshaıymnyń qazynasyna aıyrmashylyqty tóleýi kerek. Áıtpese, syılyq Ýaıld hanymnyń Túrkimenstandaǵy qyzmeti aıaqtalǵannan keıin Ulybrıtanııa úkimetine aýksıon arqyly satylady.

Sońǵy jańalyqtar

Uqsas jańalyqtar