Jeńildetilgen avtonesıe qaıta jalǵasady

Prezıdenttiń tapsyrmasy boıynsha halyqqa jeńildikpen avtonesıe berýdiń jańa baǵdarlamasy ázir­lenedi. Qazirgi ýaqytta baǵdar­la­many qaıta iske qosýdyń birneshe nusqalary qa­rastyrylyp jatyr. Máselen, kópbalaly otbasy­lar­dy, kúsh qurylymdary qyz­met­ker­le­rin, dárigerler men muǵa­lim­der­di qoldaý jóninde kishi baǵ­dar­la­ma qosý usynylady. Sondaı-aq «Bi­rin­shi otbasylyq avtomobıl» kishi baǵ­darlamasyn qosý múmkindigi qaras­ty­rylǵan.

Aıta ketelik, jeńildetilgen avtonesıeleý baǵdarlamasy 2015 jyly iske qosyldy. Bul 20 jylǵa eseptelgen jáne «revolverlik» ádiske negizdelgen. Qarjylandyrýdyń jalpy shegi – 82 mlrd teńge. Baǵdar­lama iske asyrylǵan sátten bastap revolverlik qaıtarymdy qarajatty eskere otyryp, 159 mlrd teńgege
30 525 qaryz berildi. Qazirdiń ózinde 80 myńǵa jýyq adam otandyq avto­kólikterdi satyp alǵan.

Jeńildikpen avtonesıe berý baǵdarlamasynyń sharttaryna kelsek, 1 jeńil avtokólik quny – 15 mln teńgeden, nesıe merzimi – 7 jyl­dan, sońǵy qaryz alýshy úshin no­mı­naldyq syıaqy mólsherlemesi jyl­dyq 4%-dan aspaýǵa tıis. Sońǵy qa­ryz alýshy EDB aldyndaǵy nesıesin ótegen kezde qaıtarylǵan qarajat esebinen otandyq óndiristiń jeńil avtokóligin satyp alýshylarǵa qaıta nesıe beriledi.

Búgingi tańda osy baǵdarlamamen satyp alý úshin elimizde quras­ty­rylǵan: Hyundai, KIA, JAC, Chevrolet jáne LADA sııaqty avtomobılder qol­jetimdi.