Kólik júrgizýshisi men jolaýshylardyń jaǵymsyz qylyqtaryn kýágerler vıdeoǵa túsirip alǵan.
«2003-jyly týǵan Pavlodar qalasynyń turǵyny Lada Granta markaly avtokóligimen Lermontov kóshesiniń júris bóligimen kele jatyp, birden birneshe jol erejesin elemeı, jolda apatty jaǵdaı týǵyzdy jáne jol qozǵalysynyń basqa qatysýshylaryna qaýip tóndirdi», dep habarlady Pavlodar oblysy polısııa departamentiniń baspasóz qyzmeti.
Vedomstvonyń málimetinshe, júrgizýshi jolaýshylardy tasymaldaý erejelerin saqtamaǵany jáne tyıym salynǵan baǵdarshamda júrgeni úshin jaýapkershilikke tartyldy. Polısııa sonymen qatar jigittiń 2021 jyly mas kúıinde kólik júrgizgeni úshin kýáliginen aıyrylǵanyn anyqtady.
«Júrgizý quqyǵynan aıyrylǵan tulǵanyń kólik quralyn basqarǵany úshin quqyq buzýshyǵa 10 táýlikke qamaýǵa alý túrinde ákimshilik jaza taǵaıyndaldy. Sonymen qatar, ol QR ÁQBtK - niń 596-babynyń 5-bóligi boıynsha qarsy jolaqqa shyqqany úshin jaýapkershilikke tartyldy», dep atap ótti óńirlik polısııa departamentiniń baspasóz qyzmeti.
Aıyppuldyń jalpy somasy 65 aılyq eseptik kórsetkishti, ıaǵnı 200 myń teńgege jýyqtady.
