Ekologııa • 02 Aqpan, 2022

Semeıde zańsyz aǵash keskender ustaldy

48 ret kórsetildi

«Semeı ormany» rezervatynyń aýmaǵynda er adamdar iri tehnıkanyń kómegimen zańsyz aǵash kesken, dep habarlaıdy Egemen.kz.

Qylmys qańtar aıynyń basynda tirkelgen. Qańtar aıynda Besqaraǵaı RJP kezekshi bólimine «Semeı ormany» dırektorynyń ótinishi kelip tústi. Ol orman kúzetshileriniń patrýldik jumystary kezinde aǵashtardy zańsyz kesý derekterin anyqtaǵanyn habarlady. 112 qaraǵaı, kólemi 56 tekshe metrden asatyn 25 kókterek kesildi. Buryn orman bolǵan ulan-ǵaıyr aýmaqta tek dińgekter men kesilgen aǵash butaqtary qalǵan.

Jedel izdestirý is-sharalary barysynda polısııa qyzmetkerleri kúdikti retinde 40-43, 46, 30, 51 jastaǵy Besqaraǵaı aýdany men Semeı qalasynyń turǵyndaryn ustady. Ustalǵandardan traktor, tirkeme, sondaı-aq kesilgen aǵashtardyń bóreneleri tárkilendi. Polısııanyń málimetinshe, keltirilgen shyǵyn shamamen 350 000 teńgeni quraǵan.

Atalǵan fakt boıynsha QR Qylmystyq kodeksiniń 340-babynyń 3-bóligi - aǵashtar men butalardy zańsyz kesý, joıý nemese zaqymdaý boıynsha sotqa deıingi tergeý bastaldy.

Sońǵy jańalyqtar

Uqsas jańalyqtar