Sertıfıkatty saltanatty tapsyrý rásimi Qazaqstan pavılonynyń sahnasynda ótti.
«Álem beınesi» art-jobasy – pavılonǵa álemniń túkpir-túkpirinen kelgen adamdar qylqalam jáne boıaýlardyń kómegimen óz qoltańbasyn qaldyrǵan Jer planetasynyń keneptegi túp beınesi. Keneptiń ólshemi planetamyzdyń kishireıtilgen fızıkalyq parametrleriniń uzyndyǵy men enine sáıkes keledi.
Kartınanyń negizgi ıdeıasy EXPO 2020 Dubai kórmesiniń «Aqyl-oıdy biriktire otyryp, bolashaqty qalyptastyrý» taqyrybymen úndesedi. Art-jobanyń maqsaty – bizdiń ǵalamsharymyzda ómir súretin adamdardy Ulttyq pavılonnyń aýmaǵynda ornalasqan bir óner týyndysy arqyly biriktirý. Kartına – beıbitshilik, birlik, úılesimdilik jáne dostyq sııaqty qundylyqtardyń nyshany. Jobany uıymdastyrýshy – qazaqstandyq DPARTNERS kompanııasy.
Búgingi tańda álemniń 193 elinen kelgen 1900-den astam pavılon qonaqtary men kelýshileri kartına betinde ózderiniń «izin» qaldyrdy. Olardyń arasynda álemge tanymal Gollıvýd aktrısasy Baı Lıng, amerıkalyq burynǵy kásipqoı boksshy Roı Djons, qazaqstandyq rejısser Tımýr Bekmambetov, reseılik ánshi Valerııa, qazaqstandyq kásibı veloshabandoz Aleksandr Vınokýrov jáne ózgeler bar.
Art-joba qylqalammen sýret salyp, ony ári qaraı tizbek arqyly taratqan adamdardyń eń kóp sanymen Gınnestiń rekordtar kitabynyń sertıfıkatyna ıe boldy.
