2022 jylǵy 19 aqpanda QR DSM Medısınalyq jáne farmasevtıkalyq baqylaý komıteti «Gam-KOVID-Vak-M» dárilik zatyna 8 aı merzimge ýaqytsha tirkeý kýáligin berdi.
Gam-KOVID-Vak-M - SARS-CoV-2 vırýsy týdyratyn koronavırýstyq ınfeksııanyń aldyn alý úshin vektorlyq vaksına, bulshyqet ishine engizýge arnalǵan eritindi, komponenti I-0,5 ml/doza + komponenti II-0,5 ml/doza, Reseı Federasııasynda óndirilgen.
Vaksına Qazaqstan Respýblıkasynyń aýmaǵynda koronavırýs ınfeksııanyń paıda bolýy men taralýyn boldyrmaý jónindegi vedomstvoaralyq komıssııa otyrysynyń 2022 jylǵy 10 aqpandaǵy hattamasynyń jáne QR DSM KMFBK «Dárilik zattar men medısınalyq buıymdardy saraptaý ulttyq ortalyǵy» ShJQ RMK 2022 jylǵy 17 aqpandaǵy qorytyndysynyń negizinde tirkeldi.
Spýtnık-M 12-17 jas aralyǵyndaǵy jasóspirimderge arnalǵan. «Spýtnık M» men «Spýtnık V» arasyndaǵy aıyrmashylyq adenovırýstyq bólshekterdiń konsentrasııasynyń bes ese tómendeýi bolyp tabylady, sonyń arqasynda jasóspirimder ımmýnıteti eresekterge arnalǵan dozany qoldanýmen salystyrǵanda az júktemege ushyraıdy.
