Baǵdarlamaǵa qatysýǵa 2022 jylǵy 23 aqpan kúniniń sońyndaǵy jaǵdaı boıynsha salymdarǵa kepildik berý júıesine qatysýshy – bir nemese birneshe ekinshi deńgeıdegi bankte jáne «Otbasy bank» aksıonerlik qoǵamynda ashylǵan jeke tulǵalardyń teńgedegi salymdary qatysady. Baǵdarlama aǵymdaǵy jáne kartochkalyq shottarǵa, sondaı-aq talap etilgenge deıingi depozıtterge jáne shartty depozıtterge qoldanylmaıdy.
«10% mólsherindegi syılyqaqy árbir bankte 1 adamǵa 2022 jylǵy 23 aqpan kúniniń sońyndaǵy qaldyqtar shegindegi jalpy somada, biraq Baǵdarlamany iske asyrý bastalǵan kezden bastap 12 aıdan keıin 20 mln teńgeden aspaıtyn somadaǵy kórsetilgen salymdarǵa 1 ret esepteledi. О́temaqyǵa jeke tabys salyǵy salynbaıdy.
Ekinshi deńgeıdegi banktegi salym merziminiń sońyna deıin, biraq tetik engizilgen sátten bastap keminde 12 aı, ıaǵnı 2023 jylǵy 24 aqpanǵa deıin salymdy saqtaý syılyqaqyny esepteý úshin mindetti talap bolyp sanalady. Eger salym merzimi ótemaqy (syılyqaqy) tólengenge deıingi kezeńde aıaqtalsa, depozıt Baǵdarlamanyń aıaqtalý merzimine deıin uzartylýy tıis. Salymdy ishinara alý kezinde ótemaqyny (syılyqaqyny) tóleý joǵaryda kórsetilgen lımıtterdi eskere otyryp, aqsha alynǵannan keıin salym qaldyǵynyń somasyna júzege asyrylady», delingen málimdemede.
Jýyrda Úkimet pen Ulttyq Banktiń tıisti aktileri qabyldanatyn bolady. Baǵdarlamaǵa qatysý úshin salymshylar salym ornalasqan ekinshi deńgeıdegi bankke baryp ótinish berýi qajet.
